|
|
 |
| (GMT+08:00)
2008-03-15 17:23:04
|
 |
|
ຈີນເລືອກຕັ້ງຜູ່ນຳແຫ່ງລັດຊຸດໃໝ່
cri
ຕາມຂ່າວສານຊິນຮວາ,ວັນທີ15ມີນານີ້,ຢູ່ທີ່ປັກກິ່ງ,ຜູ່ແທນສະພາແຫ່ງຊາດຈີນເກືອບ3000ຄົນໄດ້ປ່ອນບັດໂດຍບໍ່ບົ່ງຊື່,ເລືອກຕັ້ງຜູ່ນຳແຫ່ງລັດຊຸດໃໝ່.ທ່ານຫູຈິນທາວໄດ້ຮັບເລືອກຕັ້ງເປັນປະທານປະເທດສາທາລະນະລັດປະຊາຊົນຈີນແລະປະທານຄະນະກຳມະການການທະຫານສູນກາງສາທາລະນະລັດປະຊາຊົນຈີນອີກວາລະໜຶ່ງ.
ການເລືອກຕັ້ງແມ່ນດຳເນີນຢູ່ໃນກອງປະຊຸມຄົບຄະນະຂອງກອງປະຊຸມປະຈຳປີສະພາປະຊາຊົນແຫ່ງຊາດຈີນທີ່ຈັດຂຶ້ນໃນວັນທີ15ມີນານີ້.ຢູ່ທີ່ປະຊຸມ,ທ່ານອູປາງໂກວໄດ້ຮັບເລືອກຕັ້ງເປັນປະທານສະພາປະຊາຊົນແຫ່ງຊາດຈີນຊຸດທີ11,ທ່ານຊີຈິ້ນພິງໄດ້ຮັບເລືອກຕັ້ງເປັນຮອງປະທານປະເທດສາທາລະນະລັດປະຊາຊົນຈີນ.
ມື້ດຽວກັນ,ທີ່ປະຊຸມຍັງໄດ້ອະນຸມັດແຜນການປະຕິຮູບກົງຈັກລັດຖະບານຈີນ.ອີງຕາມແຜນການດັ່ງກ່າວ,ໃນກົງຈັກເດີມຂອງລັດຖະບານຈີນມີ15ກົງຈັກຈະຖືກສັບຊ້ອນແລະປ່ຽນແປງ.ຈີນຈະສ້າງຕັ້ງກະຊວງໃໝ່ຄືກະຊວງອຸດສາຫະກຳແລະຂໍ້ມູນຂ່າວສານ,ກະຊວງຄົມມະນາຄົມຂົນສົ່ງ,ກະຊວງຊັບພະຍາກອນມະນຸດແລະປະກັນສັງຄົມ,ກະຊວງອະນຸລັກສິ່ງແວດລ້ອມ ກະຊວງເຮືອນຢູ່ແລະການກໍ່ສ້າງຊົນນະບົດແລະຕົວເມືອງ.
|
|
|
