ຕາມຂ່າວສານຊິນຮວາ, ທ່ານຫູຈິນທາວ ເຜົ່າຮ້ານ,ເກີດປີ1942,ເຂົ້າເປັນສະມາຊິກພັກກອມມູນິດຈີນໃນປີ1964,ປະຫວັດການສຶກສາແມ່ນປະລິຍາຕີ,ວິສະວະກອນ.ໃນຊຸມປີ1960,ທ່ານຫູຈິນທາວຮຽນຈົບຈາກຄະນະວິສະວະກຳຊົນລະປະທານຂອງມະຫາວິທະຍາໄລຊິງຮວາ,ແລ້ວໄປເຮັດວຽກຢູ່ກະຊວງໄຟຟ້ານ້ຳຕົກ,ຫຼັງຈາກນັ້ນ,ທ່ານເຄີຍດຳລົງຕຳແໜ່ງເປັນປະທານສະຫະພັນຊາວໜຸ່ມທົ່ວປະເທດ,ເລຂາທິໜຶ່ງຂອງຄະນະເລຂາສູນກາງຄະນະຊາວໜຸ່ມກອມມູນິດຈີນ,ເລຂາຄະນະພັກແຂວງກຸ້ຍໂຈ່ວ,ເລຂາຄະນະພັກເຂດປົກຄອງຕົນເອງຕິເບດແລະອື່ນໆ.ແຕ່ປີ1992ຮອດປີ2002,ທ່ານຫູຈິນທາວເຄີຍດຳເລົງຕຳແໜ່ງເປັນກຳມະການປະຈຳການກົມການເມືອງສູນກາງພັກ,ເລຂາຄະນະເລຂາສູນກາງພັກ,ຮອງປະທານປະເທດສາທາລະນະລັດປະຊາຊົນຈີນ,ຮອງປະທານຄະນະກຳມະການການທະຫານສູນກາງ.ເລີ່ມແຕ່ປີ2003ເປັນຕົ້ນມາ,ທ່ານຫູຈິນທາວດຳລົງຕຳແໜ່ງເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດສາທາລະນະລັດປະຊາຊົນຈີນ.ເລີ່ມແຕ່ປີ2005ມາຮອດປັດຈຸບັນ,ທ່ານຫູຈິນທາວດຳລົງຕຳແໜ່ງເປັນເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດສາທາລະນະລັດປະຊາຊົນຈີນ,ປະທານຄະນະກຳມະການການທະຫານສູນກາງຈີນ.
|