ຕາມ​ຂ່າວCRI,ວັນ​ທີ15​ມີນາ​ແມ່ນ​ວັນສາກົນ​ເພື່ອ​ສິດ​ແລະ​ຜົນ​ປະ​ໂຫຍດ​ຂອງ​ຜູ່​ບໍລິ​ໂພກ.​ມື້​ດຽວ​ກັນ,ຈີນ​ໄດ້​ດຳ​ເນີນ​ກິດ​ຈະ​ກຳ​ໂຄ​ສະ​ນາ​ຫຼາຍ​ຮູບ​ຫຼາຍ​ແບບ.

ວັນ​ທີ15​ມີນາ​ນີ້,ວິ​ສາ​ຫະ​ກິດ​ບໍ​ລິ​ການ​ທຸ​ລະ​ກິດ​5​ໝື່ນ​ກວ່າ​ແຫ່ງ​ຂອງ​ຈີນ​ໄດ້​ປິ່ນ​ອ້ອມ​ຫົວ​ຂໍ້​ທີ່​ວ່າ"ຂອງ​ແທ້, ໃຈ​ແທ້"ດຳ​ເນີນ​ກິດ​ຈະ​ກຳ​ທີ່​ມີ​ຫຼາຍ​ຮູບ​ຫຼາຍ​ແບບ​ແລະ​ມີ​ເນື້ອ​ໃນ​ອຸ​ດົມ​ສົມ​ບູນ​.ພະ​ນັກ​ງານ​ຂອງ​ຮ້ານ​ຊັບ​ພະ​ສິນ​ຄ້າ​ຊີ່​ຕ່າ​ນປັກ​ກິ່ງ​ໄດ້​ໂຄ​ສະ​ນາ​ຕໍ່​ລູກ​ຄ້າ​ດ້ວຍ​ພາ​ສາ​ຈີນ​ກາງ ພາ​ສາ​ອັງ​ກິດ​ແລະ​ພາ​ສາ​ໃບ້,​ບໍ​ລິ​ການ​ຫຸ້ມ​ຫໍ່​ສິນ​ຄ້າ​ໂດຍ​ຟີ​ແລະ​ພາ​ຊື້​ຂອງ​ແລະ​ອື່ນໆ,​ ໄດ້​ຮັບ​ຄວາມ​ຢືນ​ຢັນ​ຈາກ​ລູກ​ຄ້າ​ທັງ​ຫຼາຍ.

ມື້​ດຽວ​ກັນ, ກົມ​ໃຫຍ່​ຕິດຕາມ​ກວດກາ​ຄຸນ​ນະພາ​ບ​ແລະ​ກວດກາ​ພະຍາດ​ແຫ່ງ​ຊາດ​ຈີນ​ກໍ່​ໄດ້​ຈັດ​ກິດຈະກຳ​ໂຄສະນາ​ໃຫ້​ຄຳ​ປຶກສາ​ຢ່າງ​ໃຫຍ່​ໂຕ​ຢູ່​ຕາມ​ຄຸ້ມ​ການ​ຄ້າ​ວາງ​ຟູ​ຈິງ​ທີ່​ມີ​ຊື່​ສຽງ​ຂອງ​ປັກ​ກິ່ງ.ກົ​ມ​ໃຫຍ່​ການ​ບິນ​ພົນ​ລະ​ເຮືອນ​ຈີນ​ໄດ້​ຈັດ​ກິດ​ຈະ​ກຳ​ວັນ​ເພື່ອ​ສິດ​ແລະ​ຜົນ​ປະ​ໂຫຍດ​ຂອງ​ຜູ່​ບໍລິ​ໂພກ​ການ​ບິນ​ພົນ​ລະ​ເຮືອນ​ຈີນ​ຢູ່​​ທົ່ວ​ປະ​ເທດ,​ເຊິ່ງ​ມີ​ຫົວ​ຂໍ້​ວ່າ"ຮ່ວມ​ກັນ​ພະ​ຍາ​ຍາມ​ຕ້ອນ​ຮັບ​ງານ​ກິ​ລາ​ໂອ​ລິມ​ປິກ​ສ້າງ​ປີ​ການ​ບໍ​ລິ​ການ​ທີ່​ມີ​ຄຸນ​ນະ​ພາບ​ດີ"

ນອກ​ນີ້,​ໃນ​ເວທີ​ປຶກສາ​ຫາລື​ລະດັບ​ສູງ​ທີ່​ມີ​ຫົວ​ຂໍ້​ວ່າ"ການ​ບໍ​ລິ​ໂພກ​ກັບ​ຄວາມ​ຮັບ​ຜິດ​ຊອບ"​ທີ່​ຈັດ​ຂຶ້ນ​ຢູ່​ປັກ​ກິ່ງ​ໃນ​ວັນ​ທີ15​ມີນາ​ນີ້,​ສະ​ມາ​ຄົມ​ຂະ​ແໜງ​ການ​ແລະ​ວິ​ສາ​ຫະ​ກິດ​30​ກວ່າ​ແຫ່ງ​ຂອງ​ຈີນ​ໄດ້​ໃຫ້​ຄຳ​ໝັ້ນ​ສັນ​ຍາ​ວ່າ,​ຈະ​ເພີ່ມ​ຄວາມ​ຮັບ​ຜິດ​ຊອບ​ຕໍ່​ສັງ​ຄົມ,​ສ້າງ​ສະ​ພາບ​ແວດ​ລ້ອມ​ແຫ່ງ​ການ​ບໍລິ​ໂພ​ກ​ໃນ​ຕະ​ຫຼາດ​ອັນ​ດີ​ງາມ​ເພື່ອ​ງານ​ກິ​ລາ​ໂອ​ລິມ​ປິກ.