|
|
 |
| (GMT+08:00)
2008-03-17 14:25:43
|
 |
|
ກຸ່ມດາໄລລາມະທຳລາຍຄວາມສະຫງົບຂອງສັງຄົມເຂດຕິເບດຍ່ອມຈະປະລາໄຊຢ່າງແນ່ນອນ
cri
ຕາມຂ່າວສານຊິນຮວາ,ວັນທີ16ມີນານີ້,ຂ່າວສານຊິນຮວາ ເຊິ່ງເປັນຂ່າວສານແຫ່ງຊາດຈີນໄດ້ພິມບົດຄວາມຂອງນັກຂ່າວທີ່ພາດຫົວເລື່ອງວ່າ" ກຸ່ມດາໄລລາມະທຳລາຍຄວາມສະຫງົບຂອງສັງຄົມເຂດຕິເບດຍ່ອມຈະປະລາໄຊຢ່າງແນ່ນອນ".
ບົດຄວາມຂຽນວ່າ:ຫວ່າງມໍ່ໆນີ້,ຢູ່ນະຄອນລາຊາເທດສະບານເຂດປົກຄອງຕົນເອງຕິເບດມີຄົນສ່ວນໜ້ອຍທີ່ສຸດໄດ້ດຳເນີນການເຄື່ອນໄຫວກໍ່ຈາລະຈົນເຊັ່ນທຸບຕີ,ທັບມ້າງແລະຈູດໄຟເຜົາເປັນຕົ້ນ,ເຊິ່ງໄດ້ທຳລາຍຄວາມສະຫງົບຂອງສັງຄົມ,ທຳລາຍຄວາມປອດໄພດ້ານຊີວິດແລະຊັບສິນຂອງປະຊາຊົນ.ຕາມສະຖິຕິເບື້ອງຕົ້ນ,ຢູ່ນະຄອນລາຊາ,ຄົນຮ້າຍໄດ້ຈູດເຜົາສິ່ງກໍ່ສ້າງ22ແຫ່ງເຊິ່ງລວມທັງໂຮງຮຽນປະຖົມແລະມັດທະຍົມ3ແຫ່ງ,ລົດຕຳຫຼວດແລະລົດຂອງປະຊາຊົນຫຼາຍສິບຄັນຖືກຈູດເຜົາທຳລາຍ,ເຮັດໃຫ້ປະຊາຊົນ10ຄົນທີ່ບໍ່ມີໂທດຫຍັງຖືກຂ້າແລະຖືກໄຟເຜົາແລ້ວເສຍຊີວິດ.ຕຳຫຼວດ,ຕຳຫຼວດປະກອບອາວຸດ12ຄົນບາດເຈັບໜັກ.ໃນນັ້ນ,ມີ2ຄົນບາດເຈັບສາຫັດໜັກ.ພະແນກທີ່ກ່ຽວຂ້ອງຂອງເຂດປົກຄອງຕົນເອງຕິເບດໄດ້ໃຊ້ມາດຕະການອັນບັງເກີດຜົນແກ້ໄຂຢ່າງເໝາະສົມຕາມກົດໝາຍ.ປັດຈຸບັນ,ສະຖານະການໄດ້ເຂົ້າສູ່ຄວາມສະຫງົບໂດຍພື້ນຖານ.
ບົດຄວາມຂຽນວ່າ,ມີຫຼັກຖານອັນພຽງພໍທີ່ຢັ້ງຢືນວ່າ,ການເຄື່ອນໄຫວທຳລາຍເທື່ອນີ້ແມ່ນກຸ່ມດາໄລລາມະວາງແຜນແລະບັນຊາຢ່າງມີການຈັດຕັ້ງຄັກແນ່.ບົດຄວາມຊີ້ອອກວ່າ,ເຂດຕິເບດແມ່ນພາກສ່ວນໜຶ່ງທີ່ຕັດແຍກອອກຈາກຈີນບໍ່ໄດ້,ເຊິ່ງເປັນຄວາມຮັບຮູ້ທີ່ເປັນເອກກະພາບຂອງປະຊາຄົມໂລກມາດົນແລ້ວ.ກຸ່ມດາໄລລາມະທຳລາຍຄວາມສະຫງົບກົມກຽວກັນຂອງຕິເບດແມ່ນການກະທຳທີ່ແຕະຕ້ອງໃຈຄົນ,ຍ່ອມຈະປະລາໄຊຢ່າງແນ່ນອນ.
|
|
|
