|
|
 |
| (GMT+08:00)
2008-03-17 17:18:42
|
 |
|
ຮົງກົງຕິດຕາມຄຸ້ມຄອງຜູ່ເປັນພະຍາດໄຂ້ຫວັດໃຫຍ່ຢ່າງເຂັ້ມງວດ
cri
ຕາມຂ່າວສານຊີນຮວາ: ວັນທີ 16 ມີນານີ້ ໂຄສົກສູນປ້ອງກັນດ້ານສາທາລະນະສຸກຂອງພະແນກສາທາລະນະສຸກອົງການປົກຄອງເຂດພິເສດຮົງກົງກ່າວວ່າ, ນັບມາຮອດປັດຈຸບັນ ສູນປ້ອງກັນດ້ານສາທາລະນະສຸກ ໂຮງຫມໍລັດແລະໂຮງຫມໍເອກະຊົນຂອງຮົງກົງໄດ້ຮັບການລາຍງານ 12 ລາຍກ່ຽວກັບການຕິດຕາມພະຍາດໄຂ້ຫວັດໃຫຍ່,ໃນນັ້ນມີ 4 ລາຍແມ່ນຖືກບົ່ງມະຕິເປັນພະຍາດໄຂ້ຫວັດໃຫຍ່ແທ້.
ໂຄສົກຜູ່ນີ້ກ່າວວ່າ, ໃນ 4 ຄົນດັ່ງກ່າວ,ເດັກຍິງອາຍຸ 2 ຂວບຜູ່ຫນຶ່ງກັບເດັກຊາຍອາຍຸ 3 ຂວບຜູ່ຫນຶ່ງມີອາການດີຂຶ້ນ, ອີກສອງຄົນຕ່າງແມ່ນເດັກຍິງທີ່ອາຍຸ 7 ຂວບກັບ 8 ຂວບໄດ້ອອກໂຮງຫມໍແລ້ວ, ສູນປ້ອງກັນດ້ານສາທາລະນະສຸກພວມຕິດຕາມຜູ່ອື່ນໆຢູ່.
ການຕິດຕາມກວດກາພະຍາດໄຂ້ຫວັດໃຫຍ່ທີ່ພວມປະຕິບັດຢູ່ນັ້ນແມ່ນສູນປ້ອງກັນດ້ານສາທາລະນະສຸກຂອງກົມສາທາລະນະສຸກເຂດພິເສດຮົງກົງແລະໂຮງຫມໍຢູ່ແຫ່ງນັ້ນພ້ອມກັນດຳເນີນຂຶ້ນໃນວັນທີ 13 ມີນານີ້,ເພື່ອຕິດຕາມອາການຂອງເດັກນ້ອຍທີ່ເຂົ້ານອນໂຮງຫມໍຍ້ອນມີອາການທີ່ກ່ຽວພັນກັບໄຂ້ຫວັດໃຫຍ່ເຊັ່ນ ປອດອັກເສບຮຸນແຮງ ກ້າມຊີ້ນຫົວໃຈອັກເສບ ສະຫລົບແລະເລືອດເປັນພິດ.
|
|
|
