|
ລະບຽບສັງຄົມຂອງນະຄອນລາຊາເທດສະບານເຂດປົກຄອງຕົນເອງຕິເບດຈີນໄດ້ຟື້ນຟູຄວາມໝັ້ນທ່ຽງ
cri
ຕາມຂ່າວ CRI: ວັນທີ 17 ມີນານີ້, ຢູ່ທີ່ປັກກິ່ງ, ທ່ານຊ້ຽງປ່າພິງໂຊ້ ປະທານເຂດປົກຄອງຕົນເອງຕິເບດຈີນກ່າວວ່າ, ສະຖານະການຂອງນະຄອນລາຊາໄດ້ກັບຄືນສູ່ຄວາມສະຫງົບແລ້ວ, ລະບຽບສັງຄົມໄດ້ຟື້ນຟູຄວາມໝັ້ນທ່ຽງ.
ທ່ານຊ້ຽງປ່າພິງໂຊ້ໃຫ້ທັດສະນະດັ່ງກ່າວໃນກອງປະຊຸມຂ່າວຂອງຫ້ອງການຖະແຫຼງຂ່າວລັດຖະບານຈີນທີ່ຈັດຂຶ້ນໃນມື້ດຽວກັນ.
ທ່ານຊ້ຽງພິງປ່າໂຊ້ກ່າວວ່າ, ເຫດການໃຊ້ຄວາມຮຸນແຮງຢ່າງຮ້າຍແຮງທີ່ເກີດຂຶ້ນຢູ່ນະຄອນລາຊາໃນວັນທີ 14 ມີນານີ້ແມ່ນກຸ່ມດາໄລລາມະຈັດຕັ້ງ, ວາງແຜນ,ປຸກປັ່ນ, ອິດທິກຳລັງແບ່ງແຍກຕິເບດເປັນເອກະລາດທັງພາຍໃນແລະຕ່າງປະເທດສົມຮູ້ຮ່ວມຄິດກໍ່ຂຶ້ນ. ຕໍ່ເຫດການດັ່ງກ່າວ, ປະຊາຊົນເຜົ່າຕ່າງໆຂອງເຂດຕິເບດໄດ້ສະແດງຄວາມຄຽດແຄ້ນຢ່າງໃຫຍ່ຫຼວງແລະກ່າວປະນາມຢ່າງເຄັ່ງຕຶງ, ເຂດປົກຄອງຕົນເອງຕິເບດໄດ້ປະຕິບັດການຕໍ່ພວກສ້າງຄວາມຮຸນແຮງນັ້ນຕາມກົດໝາຍຢ່າງວ່ອງໄວ.
ວັນທີ 14 ມີນານີ້, ນະຄອນລາຊາໄດ້ເກີດເຫດການຈາລະຈົນຢ່າງຮ້າຍແຮງ. ຕາມສະຖານະການຫຼ້າສຸດໃນປະຈຸບັນ, ກຸ່ມທີ່ໃຊ້ຄວາມຮຸນແຮງໄດ້ເຜົາເຮືອນຢູ່ແລະຮ້ານຄ້າ 210 ກວ່າຫ້ອງ, ທຸບແລະເຜົາລົດ 50 ກວ່າຄັນ, ເຜົາແລະຂ້າປະຊາຊົນຕາຍ 13 ຄົນ. ນຳເອົາຜົນເສຍຫາຍອັນໃຫຍ່ຫຼວງດ້ານຊີວິດແລະຊັບສິນໃຫ້ແກ່ປະຊາຊົນທ້ອງຖິ່ນ, ເຮັດໃຫ້ລະບຽບສັງຄົມໃນທ້ອງຖິ່ນຖືກທຳລາຍຢ່າງຮ້າຍແຮງ.
|
|
