|
ຕາມຂ່າວCRI,ວັນທີ17ມີນານີ້,ທ່ານລີວຈ້ຽນຊາວໂຄສົກກະຊວງການຕ່າງປະເທດຈີນກ່າວວ່າ,ການພັດທະນາແລະຄວາມກ້າວໜ້າຂອງເຂດຕິເບດບໍ່ວ່າຈະແມ່ນອິດທິກຳລັງໃດກໍ່ກີດຂວາງບໍ່ໄດ້,ກົນອຸບາຍໃດໆທີ່ຢາກແບ່ງແຍກປະເທດຍ່ອມຈະຖືກປະຊາຊົນບັນດາເຜົ່າທົ່ວປະເທດຈີນເຊິ່ງລວມທັງພີ່ນ້ອງຮ່ວມຊາດຕິເບດຄັດຄ້ານຢ່າງເດັດດ່ຽວແນ່ນອນ.
ໃນເວລາຕອບຄຳຖາມຂອງນັກຂ່າວ,ທ່ານລີວຈ້ຽນຊາວກ່າວວ່າ,ວັນທີ14ມີນານີ້,ຢູ່ນະຄອນລາຊາໄດ້ເກີດເຫດການຈາລະຈົນໃຊ້ຄວາມຮຸນແຮງຢ່າງໜັກໜ່ວງຄືທຸບຕີ ທັບມ້າງແລະຈູດໄຟເຜົາ,ເຊິ່ງໄດ້ສ້າງຄວາມເສຍຫາຍຢ່າງໃຫຍ່ຫຼວງໃຫ້ແກ່ຊີວິດແລະຊັບສິນຂອງປະຊາຊົນລາຊາ,ເຮັດໃຫ້ຄວາມສະຫງົບຂອງລາຊາຖືກທຳລາຍຢ່າງໜັກໜ່ວງ.ນີ້ແມ່ນກຸ່ມດາໄລລາມະຈັດຕັ້ງແລະວາງແຜນຢ່າງຄັກແນ່,ຍຸຍົງອິດທິກຳລັງແບ່ງແຍກຕິເບດອອກຈາກຈີນໃຫ້ເປັນເອກະລາດທີ່ຢູ່ພາຍໃນແລະຕ່າງປະເທດສົມຮູ້ຮ່ວມຄິດກໍ່ເຫດການດັ່ງກ່າວ.ການກະທຳຂອງກຸ່ມຄົນບໍ່ດີເຫຼົ່ານີ້ບໍ່ແມ່ນການສະແດງກຳລັງໂດຍສັນຕິ,ຫາກແມ່ນຈາລະຈົນໃຊ້ຄວາມຮຸນແຮງ.ພະແນກທີ່ກ່ຽວຂ້ອງຂອງເຂດປົກຄອງຕົນເອງຕິເບດແກ້ໄຂເຫດການນີ້ຕາມກົດໝາຍແມ່ນເພື່ອປົກປັກຮັກສາຄວາມສະຫງົບຂອງສັງຄົມ,ປົກປັກຮັກສາລະບອບກົດໝາຍແຫ່ງຊາດ,ປົກປ້ອງສິດແລະຜົນປະໂຫຍດພື້ນຖານຂອງປະຊາຊົນບັນດາເຜົ່າເຂດຕິເບດ.ໃນເວລາແກ້ໄຂເຫດການນີ້,ຜູ່ປະຕິບັດກົດໝາຍໄດ້ຮັກສາຄວາມອົດກັ້ນຢ່າງສຸດຂີດ.ເຫດການເທື່ອນີ້ໄດ້ເຜີຍແບໃຫ້ເຫັນທາດແທ້ແບ່ງແຍກປະເທດຂອງກຸ່ມດາໄລລາມະພ້ອມດ້ວຍຄວາມປອມແປງແລະຫຼອກລວງຂອງຄຳວ່າ"ສັນຕິພາບ ບໍ່ໃຊ້ຄວາມຮຸນແຮງ"ທີ່ເຂົາກ່າວອ້າງຕະຫຼາດນັ້ນ.ແລະຫວັງວ່າປະເທດຕ່າງໆຈະເຄົາລົບສະພາບຄວາມເປັນຈິງ,ຮູ້ຖືກຮູ້ຜຶດຢ່າງຈະແຈ້ງ.
|
