|
|
 |
| (GMT+08:00)
2008-03-18 15:29:14
|
 |
|
ທ່ານເວີນເຈຍປາວໃຫ້ສຳພາດຕໍ່ນັກຂ່າວຈີນແລະຕ່າງປະເທດ
cri
Author: d
|
ຕາມຂ່າວCRI: ວັນທີ18ມີນານີ້ ກອງປະຊຸມເທື່ອທີ1ຂອງສະພາປະຊາຊົນແຫ່ງຊາດຈີນຊຸດທີ11ໄດ້ອັດລົງຢູ່ປັກກິ່ງ.ຫຼັງກອງປະຊຸມ ທ່ານເວີນເຈຍປາວ ນາຍົກລັດຖະມົນຕີ ຈີນໄດ້ໃຫ້ສຳພາດຕໍ່ນັກຂ່າວຈີນແລະຕ່າງປະເທດ,ຕອບຄຳຖາມຂອງນັກຂ່າວກ່ຽວກັບແນວຄິດພັດທະນາໃນ5ປີຂ້າງໜ້າແລະບັນຫາທີ່ໜ້າສົນໃຈທີ່ສຸດໃນປະຈຸບັນຂອງຈີນ.
ທ່ານເວີນເຈຍປາວກ່າວວ່າ,ການສະແຫວງພັດທະນາເສດຖະກິດຢ່າງໝັ້ນທ່ຽງແລະວ່ອງໄວ ລົງເລິກປະຕິຮູບໂຄງປະກອບເສດຖະກິດແລະການເມືອງ ຊຸກຍູ້ຄວາມທ່ຽງທຳແລະຄວາມເປັນທຳຂອງສັງຄົມ ແລະເພີ່ມທະວີການສ້າງຄວາມສີວິໄລທາງດ້ານຈິດໃຈຂອງສັງຄົມນິຍົມ ແມ່ນ4ບັນຫາສຳຄັນທີ່ທ່ານພິຈາລະນາແລະເອົາໃຈໃສ່ຫຼາຍໃນອະນາຄົດ.
ໃນເວລາກ່າວເຖິງເປົ້າໝາຍພັດທະນາໃນອະນາຄົດຂອງຈີນ,ທ່ານເວີນເຈຍປາວກ່າວວ່າ,ໃນ5ປີຂ້າງໜ້ານີ້ ຈະເຮັດໃຫ້ເສດຖະກິດຈີນມີການພັດທະນາຫຼາຍກວ່າເກົ່າ,ເຮັດໃຫ້ຊີວິດການເປັນຢູ່ຂອງປະຊາຊົນຍົກສູງຂຶ້ນຢ່າງຫຼວງຫຼາຍ,ເຮັດໃຫ້ສັງຄົມມີຄວາມກ້າວໜ້າຫຼາຍກວ່າເກົ່າ,ເຮັດໃຫ້ການປະຕິຮູບແລະໄຂປະຕູສູ່ພາຍນອກຢ່ວງບາດກ້າວທີ່ໃຫຍ່ກວ່າເກົ່າ.ປີນີ້,ຈີນຈະອອກແຮງປ້ອງກັນບໍ່ໃຫ້ເສດຖະກິດຈາກການເພີ່ມຂຶ້ນອ່າວໄວຫັນເປັນໄວເກີນໄປ,ສະກັດກັ້ນບໍ່ໃຫ້ລາຄາສິນຄ້າຂຶ້ນລາຄາໄວໂພດແລະເກີດມີໄພເງິນເຟີ້,ຮັກສາໃຫ້ເສດຖະກິດພັດທະນາຢ່າງໝັ້ນທ່ຽງແລະໄວວາ.
ໃນເວລາກ່າວເຖິງບັນຫາການພົວພັນລະຫວ່າງສອງຝັ່ງຊ່ອງແຄບ,ທ່ານເວິນເຈຍປາວໄດ້ກ່າວຢ້ຳຫຼັກໝັ້ນຂອງຈີນທີ່ຄັດຄ້ານ"ໄຕ້ຫວັນຈັດການຢັ່ງປະຊາມະຕິເພື່ອເຂົ້າເປັນສະມາຊິກຂອງສະຫະປະຊາຊາດ",ແລະກ່າວວ່າ ຍິນດີຟື້ນຟູການເຈລະຈາສັນຕິພາບລະຫວ່າງສອງຝັ່ງຊ່ອງແຄບໂດຍໄວ ພາຍໃຕ້ເງື່ອນໄຂຈີນດຽວ.
1 2
|
|
|
