|
ຄວາມເປັນລະບຽບຮຽບຮ້ອຍທາງສັງຄົມຂອງນະຄອນລາຊາເຂດຕິເບດຟື້ນຟູເປັນປົກກະຕິໂດຍພື້ນຖານແລ້ວ
cri
ຕາມຂ່າວ cri:ວັນທີ 18 ມີນານີ້ ຢູ່ປັກກິ່ງ, ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ປັດຈຸບັນ ນະຄອນລາຊາຂອງເຂດຕິເບດມີສະຖານະການຫມັ້ນທ່ຽງ, ຄວາມເປັນລະບຽບຮຽບຮ້ອຍຂອງສັງຄົມໄດ້ຟື້ນຟູເປັນປົກກະຕິໂດຍພື້ນຖານແລ້ວ.
ໃນກອງປະຊຸມປະຈຳທີ່ກະຊວງການຕ່າງປະເທດຈີນຈັດຂຶ້ນໃນວັນທີ 18 ມີນານີ້, ທ່ານຊິນກ່າງກ່າວວ່າ, ພະແນກທີ່ກ່ຽວຂ້ອງຂອງເຂດປົກຄອງຕົນເອງຕິເບດພວມຊຳລະແກ້ໄຂເຫດການກໍ່ຈາລະຈົນທີ່ເກີດຂຶ້ນໃນມໍ່ໆນີ້ຕາມກົດຫມາຍ.ທ່ານກ່າວວ່າ, ຝ່າຍຈີນມີຫລັກຖານຂໍ້ມູນຢ່າງພຽງພໍຢັ້ງຢືນໃຫ້ເຫັນວ່າ, ເຫດການທີ່ເກີດຂຶ້ນຢູ່ນະຄອນລາຊາເທື່ອນີ້ແມ່ນກຸ່ມດາໄລລາມະຈັດຕັ້ງ ວາງແຜນແລະປຸກປັ້ນຂຶ້ນ,ຫວັງວ່າປະເທດແລະອົງການຈັດຕັ້ງສາກົນທີ່ກ່ຽວຂ້ອງຈະເຄົາລົບເລື່ອງຈິງ, ຈຳແນກຄວາມຖືກຄວາມຜິດ,ແລະຍຶດຖືຄວາມເປັນທຳໄດ້.
|
|
