|
ຈີນກ່າວວ່າດາໄລລາມະແມ່ນຜູ່ພັດຖິ່ນການເມືອງທີ່ດຳເນີນການເຄື່ອນໄຫວແບ່ງແຍກປະເທດຊາດແລະທຳລາຍຄວາມສາມັກຄີຂອງຊາດມາແຕ່ດົນນານ
cri
ຕາມຂ່າວສານຊິນຮວາ,ວັນທີ18ມີນານີ້,ຢູ່ທີ່ປັກກິ່ງ,ໃນເວລາຕອບຄຳຖາມຂອງນັກຂ່າວ,ທ່ານຊິນຄ່າງ ໂຄສົກກະຊວງການຕ່າງປະເທດຈີນກ່າວວ່າ,ດາໄລລາມະບໍ່ແມ່ນບຸກຄົນທາງສາສະໜາແຕ່ຢ່າງດຽວ,ແຕ່ຍັງແມ່ນຜູ່ພັດຖິ່ນການເມືອງທີ່ຖືຄັນຕາລະບັດສາສະໜາເພື່ອດຳເນີນການເຄື່ອນໄຫວແບ່ງແຍກປະເທດຊາດແລະທຳລາຍຄວາມສາມັກຄີຂອງຊາດຢູ່ໃນສາກົນມາແຕ່ດົນນານ.
ທ່ານຊິນຄ່າງກ່າວວ່າ,ດາໄລລາມະບໍ່ຍ່ອມຮັບວ່າຕິເບດແມ່ນພາກສ່ວນໜຶ່ງຂອງຈີນມາແຕ່ບູຮານນະການ,ກ່າວວ່າຕິເບດແມ່ນປະເທດທີ່ຖືກຈີນຍຶດຄອງ,ເຂົາບໍ່ຮັບຮອງລະບອບຂອງຕິເບດໃນປັດຈຸບັນ,ຍຶດໝັ້ນສ້າງຕັ້ງເຂດຕິເບດໃຫຍ່ທີ່ກວມເນື້ອທີ່ເກືອບ1/4ຂອງດິນແດນຈີນ ທີ່ບໍ່ເຄີຍຄົງຕົວໃນປະຫວັດສາດ."ລັດຖະບານຕິເບດພັດຖິ່ນ"ທີ່ກຸ່ມດາໄລລາມະກ່າວນັ້ນໄດ້ລະບຸໃນ"ກົດບັດຄົນຕິເບດພັດຖິ່ນ" ວ່າ,ຈະສ້າງຕິເບດໃຫ້ເປັນສາທາລະນະລັດສະຫະລັດປົກຄອງຕົນເອງປະຊາທິປະໄຕ.
ທ່ານຊິນຄ່າງກ່າວວ່າ,ຖ້ວຍຄວາມແລະການກະທຳຂອງດາໄລລາມະໃນຫຼາຍສິບປີມານີ້ສະແດງໃຫ້ເຫັນວ່າ,ເຂົາບໍ່ເຄີຍປະລະເຈດຈຳນົງແບ່ງແຍກແລະຢຸດຕິການເຄື່ອນໄຫວແບ່ງແຍກ ຢ່າງແທ້ຈິງຈັກເທື່ອ.ເຫດການຈາລະຈົນໃຊ້ຄວາມຮຸນແຮງຢ່າງຮ້າຍແຮງຄືທຸບຕີ ທັບມ້າງ ຈູດໄຟເຜົາທີ່ເກີດຂຶ້ນຢູ່ນະຄອນລາຊາກໍ່ແມ່ນກຸ່ມດາໄລລາມະວາງແຜນແລະປຸກປັ່ນຢ່າງຄັກແນ່,ເຊິ່ງໄດ້ເຜີຍແບໃຫ້ເຫັນທາດແທ້ຂອງກຸ່ມດາໄລລາມະທີ່ແບ່ງແຍກ,ແລະກໍ່ໄດ້ເຜີຍແບຄວາມຈອມປອມແລະຫຼອກລວງຂອງຄຳທີ່ວ່າ"ສັນຕິພາບ,ບໍ່ໃຊ້ຄວາມຮຸນແຮງ"ທີ່ກຸ່ມດາໄລລາມະກ່າວມານັ້ນ.
|
|
