|
|
 |
| (GMT+08:00)
2008-03-19 16:45:55
|
 |
|
ຜູ່ມີຊື່ສຽງຂອງເຜົ່າຕິເບດກ່າວປະນາມຢ່າງຮຸນແຮງຕໍ່ເຫດການຈາລະຈົນຢູ່ລາຊາ
cri
Author: d
ຕາມຂ່າວCRI: ວັນທີ19ມີນານີ້ ຢູ່ປັກກິ່ງ ທ່ານຢື້ຕີ້ ບຸກຄົນຜູ່ມີຊື່ສຽງເຜົ່າຕິເບດ ປະທານກະຕິມະສັກຂອງຄະນະກຳມະການໃຫ້ຄຳປຶກສາການພັດທະນາເຂດປົກຄອງຕົນເອງຕິເບດ ຈີນໄດ້ກ່າວປະນາມຢ່າງຮຸນແຮງຕໍ່ເຫດການຈາລະຈົນຢູ່ລາຊາເທດສະບານຕິເບດ.
ທ່ານຢື້ຕີ້ຊີ້ອອກວ່າ,ເຫດການເທື່ອນີ້ຢັ້ງຢືນໃຫ້ເຫັນອີກເທື່ອໜຶ່ງວ່າ ການເຄື່ອນໄຫວທຳລາຍແບ່ງແຍກຂອງກຸ່ມດາໄລລາມະບໍ່ໄດ້ຢຸດເຊົາຈັກເທື່ອ.ພວກເຂົາມີເຈດຈຳນົງກໍ່ເຫດການໃນໄລຍະເວລາທີ່ອ່ອນໄຫວ,ລົບກວນງານກິລາໂອລິມປິກປັກກິ່ງ,ທຳລາຍຄວາມສະຫງົບແລະຄວາມກົມກຽວກັນຂອງຈີນ.
ວັນທີ14ມີນານີ້,ຜູ່ລະເມີດກົດໝາຍຈຳນວນໜ້ອຍທີ່ສຸດໄດ້ເຕົ້າໂຮມກັນຢູ່ລາຊາ,ກໍ່ເຫດການຈາລະຈົນຢ່າງຂະໜາດໃຫຍ່,ຜູ່ໃຊ້ກຳລັງຮຸນແຮງໄດ້ເຜົາເຮືອນຂອງປະຊາຊົນແລະຮ້ານຄ້າ210ກວ່າຫ້ອງ,ທັບມ້າງແລະເຜົາທຳລາຍລົດຍົນ56ຄັນ,ເຜົາແລະຂ້າ ປະຊາຊົນທີ່ບໍ່ມີໂທດຫຍັງ13ຄົນ.
ຫວ່າງມໍ່ໆນີ້ ນັກຫຼິ້ນການເມືອງແລະສື່ມວນຊົນຈຳນວນໜຶ່ງລາຍງານຂ່າວຊ້ຳແລ້ວຊ້ຳອີກ,ບໍ່ເອົາຫົວຊານຳຄວາມເປັນຈິງຂອງເຫດການດັ່ງກ່າວ,ປິ້ນຂາວເປັນດຳ,ລາຍງານການກໍ່ເຫດການຈາລະຈົນວ່າເປັນການແຫ່ຂະບວນຢ່າງສັນຕິ.ກ່ຽວກັບເລື່ອງນີ້,ທ່ານຢື້ຕີ້ກ່າວວ່າ,ໃນໂລກນີ້ ບໍ່ວ່າປະເທດແລະລັດຖະບານໃດກໍ່ຕາມ ລ້ວນແຕ່ຈະເອົາໃຈໃສ່ນຳຄວາມປອດໄພທາງຊີວິດແລະຊັບສິນຂອງປະຊາຊົນໃນເວລາເກີດເຫດການຈາລະຈົນເໝືອນດັ່ງທີ່ເກີດຂຶ້ນຢູ່ນະຄອນລາຊາ.
ທ່ານຢື້ຕີ້ ອາຍຸ70ປີແລ້ວ ຄອບຄົວເຄີຍເປັນທາດກະສິກອນ,ເພິ່ນເປັນສັກຂີຄົນພິຍານຕໍ່ການປ່ຽນແປງອັນໃຫຍ່ຫຼວງທາງດ້ານສັງຄົມແລະເສດຖະກິດນັບແຕ່ປົດປ່ອຍຕິເບດມານີ້.
|
|
|
