ຕາມ​ຂ່າວສານ​ຊິນ​ຮວາ,ວັນ​ທີ19​ມີນາ​ນີ້,ຢູ່​ທີ່​ປັກ​ກິ່ງ,ທ່ານ​ເຢີ້ຕີ້ ຮອງ​ປະ​ທານ​ຄະ​ນະ​ປະ​ຈຳ​ສະ​ພາ​ປະຊາຊົນ​ແຫ່ງ​ຊາດ​ຈີນ​ຊຸດ​ທີ​10​ ປະ​ທານ​ກິ​ຕິ​ມະ​ສັກ​ຄະ​ນະ​ກຳ​ມະ​ການ​ໃຫ້​ຄຳ​ປຶກ​ສາ​ກ່ຽວ​ກັບ​ການ​ພັດທະນາ​ເຂດ​ປົກ​ຄອງ​ຕົນ​ເອງ​ຕິ​ເບ​ດກ່າວ​ວ່າ,ປັດຈຸບັນ,​ສະ​ຖາ​ນະ​ການ​ນະ​ຄອນ​ລາ​ຊາ​ໄດ້​ໝັ້ນ​ທ່ຽງ​ໂດຍ​ພື້ນ​ຖານ,​ຄວາມ​ເປັນ​ລະ​ບຽບ​ຮຽບ​ຮ້ອຍ​ຂອງ​ສັງ​ຄົມ​ກໍ​ໄດ້​ເຂົ້າ​ສູ່​ປົກ​ກະ​ຕິ​ແລ້ວ.

ທ່ານ​ເຢິ້ຕີ້​ກ່າວ​ເນັ້ນ​ວ່າ,​ການ​ພັດ​ທະ​ນາ​ຂອງ​ເຂ​ດຕິ​ເບ​ດ ​ເວລາ​ໃດ​ກໍ່​ຕ້ອງ​ຖື​ຄວາມ​ສະ​ຫງົບ​ເປັນ​ເງື່ອນ​ໄຂ​ເບື້ອງ​ຕົ້ນ,​ຄັນ​ບໍ່​ມີ​ຄວາມ​ສະ​ຫງົບ​ກໍ່​ບໍ່​ມີ​ການ​ພັດ​ທະ​ນາ,​ບໍ່​ມີ​ຊີ​ວິດ​ທີ່​ຜາ​ສຸກ​ຂອງ​ປະ​ຊາ​ຊົນ​ບັນ​ດາ​ເຜົ່າ​ຂອງ​ເຂດ​ຕິ​ເບ​ດ​ແລະ​ກໍ່​ບໍ່​ມີ​ອະ​ນາ​ຄົດ​ອັນ​ດີ​ງາມ​ຂອງ​ເຂດ​ຕິ​ເບ​ດ.​ບໍ່​ອະ​ນຸ​ຍາດ​ໃຫ້​ໃຜ​ກໍ່​ຕາມ​ທຳ​ລາຍ​ການ​ພັດ​ທະ​ນາ​ແລະ​ຄວາມ​ສະ​ຫງົບ​ຂອງ​ເຂດ​ຕິ​ເບ​ດ.