|
ໂຄສົກກະຊວງການຕ່າງປະເທດຈີນກ່າວວ່າ,ເຈດຕະນາທີ່ນຳໃຊ້ກຸ່ມດາໄລລາມະເພື່ອບັນລຸຈຸດປະສົງອັນເລິກລັບນັ້ນແມ່ນບໍ່ອາດເປັນໄປໄດ້
cri
Author: d
ຕາມຂ່າວສານຊິນຮວາ: ວັນທີ21ມີນານີ້ ໃນເວລາຕອບຄຳຖາມຂອງນັກຂ່າວຢູ່ປັກກິ່ງ ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຄົນຈຳນວນໜຶ່ງເຈດຕະນາສວຍໃຊ້ກຸ່ມດາໄລລາມະເພື່ອບັນລຸຈຸດປະສົງອັນເລິກລັບນັ້ນແມ່ນບໍ່ຫ່ອນຈະເປັນໄປໄດ້.
ມີນັກຂ່າວຖາມວ່າ: ຫວ່າງມໍ່ໆນີ້ ທ່ານແນນຊີ ເປໂລຊີ ປະທານສະພາຕ່ຳອາເມລິກາໄດ້ພົບປະພະດາໄລລາມະຢູ່ອິນເດຍ,ແລະຮຽກຮ້ອງໃຫ້ປະຊາຄົມໂລກໃຊ້ກຳລັງໜີບຕໍ່ຈີນໃນບັນຫາຕິເບດ.ຂໍຖາມວ່າຈີນມີການວິຈານແນວໃດຕໍ່ເລື່ອງນີ້?
ທ່ານຊິນກ່າງກ່າວວ່າ,ພະດາໄລລາມະແມ່ນຜູ່ພັດຖິ່ນທາງການເມືອງຢູ່ຕ່າງປະເທດຍ້ອນດຳເນີນການເຄື່ອນໄຫວແບ່ງແຍກປະເທດຊາດແລະທຳລາຍຄວາມສາມັກຄີຂອງຊາດເປັນເວລາຍາວນານ.ການລະດົມໃຈແລະສະໜັບສະໜູນກົນອຸບາຍແບ່ງແຍກປະເທດຊາດຂອງກຸ່ມດາໄລລາມະ,ໄດ້ລະເມີດຫຼັກມາດຖານພື້ນຖານຂອງການພົວພັນລະຫວ່າງຊາດ,ພວກຂ້າພະເຈົ້າຄັດຄ້ານຢ່າງເດັດດ່ຽວ.
ທ່ານຊິນກ່າງກ່າວວ່າ,ນັບແຕ່ອົງການປົກຄອງຕົນເອງເຂດຕິເບດຊຳລະແກ້ໄຂເຫດການຈະລາຈົນອັນໜັກໜ່ວງຢູ່ນະຄອນລາຊາຕາມກົດໝາຍເປັນຕົ້ນມາ,ມີລັດຖະບານເກືອບ100ປະເທດສະແດງຄວາມສະໜັບສະໜູນການເຄື່ອນໄຫວຂອງຈີນທີ່ເພື່ອປົກປັກຮັກສາອະທິປະໄຕແຫ່ງຊາດ ຜືນແຜ່ນດິນອັນຄົບຖ້ວນ ແລະຄວາມໝັ້ນຄົງຂອງຕິເບດ,ກ່າວປະນາມການຕ້ອງໂທດດ້ວຍກຳລັງຮຸນແຮງແລະຜູ່ວາງກົນອຸບາຍຢູ່ຫຼັງສາກ.ນີ້ໄດ້ຢັ້ງຢືນໃຫ້ເຫັນຢ່າງເຕັມທີ່ວ່າ ປະຊາຄົມໂລກແມ່ນຢືນຢູ່ທາງຝ່າຍສະໜັບສະໜູນປະເທດຈີນ.
|
|
