|
ຄວາມລັບສ່ວນຕົວໄດ້ຮັບການຮັບປະກັນຕາມກົດໝາຍຢູ່ຈີນ
cri
ຕາມຂ່າວສານຊິນຮວາ,ວັນທີ23ມີນານີ້,ຢູ່ທີ່ປັກກິ່ງ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ,ຢູ່ຈີນ,ຄວາມລັບສ່ວນຕົວໄດ້ຮັບການຮັບປະກັນຕາມກົດໝາຍ,ສະນັ້ນ,ນັກທ່ອງທ່ຽວຕ່າງປະເທດບໍ່ຕ້ອງເປັນຫ່ວງນຳເລື່ອງນີ້.
ທ່ານຊິນຄ່າງໄດ້ກ່າວຄວາມນີ້ໃນເວລາຕອບຄຳຖາມຂອງນັກຂ່າວກ່ຽວກັບກະຊວງການຕ່າງປະເທດອາເມລິກາກ່າວວ່າຊາວອາເມລິກາທີ່ໄປຊົມງານກິລາໂອລິມປິກປັກກິ່ງອາດຈະຖືກຕິດຕາມຄວບຄຸມ.
ຂ່າວແຈ້ງວ່າ,ວັນທີ20ມີນານີ້,ກົມວຽກງານກົງສູນກະຊວງການຕ່າງປະເທດອາເມລິກາໄດ້ເຜີຍແບບົດແນະນຳການຊົມງານກິລາໂອລິມປິກໂດຍຂຽນວ່າ,ໂຮງແຮມແລະຕຶກຫ້ອງການທັງໝົດຂອງປັກກິ່ງລ້ວນແຕ່ອາດຈະຖືກຕິດຕາມຄວບຄຸມ,ຄວາມລັບສ່ວນຕົວຂອງຜູ່ຊົມອາເມລິກາຍາກທີ່ຈະໄດ້ຮັບການຮັບປະກັນ.
ກ່ຽວກັບເລື່ອງນີ້,ທ່ານຊິນກ່າງກ່າວວ່າ,ຢູ່ສະຖານທີ່ສາທາລະນະໂຮງແຮມ,ຕຶກຫ້ອງການແລະສິ່ງກໍ່ສ້າງອື່ນໆຂອງຈີນ,ບໍ່ໄດ້ມີການຈັດວາງພິເສດທີ່ເກີນຂອບເຂດມາດຕະການຄວາມປອດໄພທີ່ໃຊ້ທົ່ວໄປໃນສາກົນ.ຢູ່ຈີນ,ຄວາມລັບສ່ວນຕົວໄດ້ຮັບການຮັບປະກັນຕາມກົດໝາຍ,ນັກທ່ອງທ່ຽວຕ່າງປະເທດບໍ່ຕ້ອງເປັນຫ່ວງນຳເລື່ອງນີ້.ຄຳເວົ້າ,ໃນບົດແນະ,ນຳຂອງກົມວຽກງານກົງສູນກະຊວງການຕ່າງປະເທດອາເມລິກາແມ່ນບໍ່ມີຄວາມຮັບຜິດຊອບ.
|
|
