|
ຄວາມເປັນລະບຽບຮຽບຮ້ອຍຂອງສັງຄົມຢູ່ເມືອງອ່າປ້າແຂວງເຊສວນຂອງຈີນຄ່ອຍໆຟື້ນຟູເປັນປົກກະຕິ
cri
ຕາມໜັງສືພິມເຢິນມິນຢື້ປ້າວຂອງຈີນ,ເຫດການຈະລາຈົນທີ່ເກີດຂຶ້ນຢູ່ເມືອງອ່າປ້າກິ່ງແຂວງປົກຄອງຕົນເອງເຜົ່າຕິເບດເຜົ່າຊຽງແຂວງເຊສວນພາກຕາເວັນຕົກສຽງໃຕ້ຂອງຈີນໃນວັນທີ16ມີນານີ້,ປັດຈຸບັນໄດ້ສະຫງົບໂດຍພື້ນຖານແລ້ວ.
ວັນທີ22ມີນານີ້,ຢູ່ຕາມເຂດຄຸ້ມແລະຖະໜົນທີ່ສຳຄັນຂອງເມືອງອ່າປ້າ,ນັກຂ່າວໄດ້ເຫັນວ່າ,ຖະໜົນສາຍສຳຄັນໃນເມືອງ ບໍ່ມີສິ່ງກີດຂວາງ,ຢູ່ຖະໜົນເຊ້ຍຖາງທີ່ປະສົບຜົນເສຍຫາຍໜັກໜ່ວງກວ່າໝູ່ໃນເຫດການຈະລາຈົນນັ້ນ,ທ້ອງຖະໜົນໄດ້ປັດກວາດໃຫ້ສະອາດຮຽບຮ້ອຍແລ້ວ,ຮ້ານຄ້າຕ່າງໆທີ່ຢູ່ສອງຟາກທາງຈຳນວນເຄິ່ງໜຶ່ງຂຶ້ນໄປໄດ້ເປີດທຸລະກິດຄືນໃໝ່,ຄວາມເປັນລະບຽບຮຽບຮ້ອຍຂອງສັງຄົມໄດ້ຟື້ນຟູເປັນປົກກະຕິແລ້ວ.ອີງຕາມການຈັດວາງຂອງອົງການປົກຄອງເມືອງອ່າປ້າ,ໂຮງຮຽນປະຖົມແລະມັດທະຍົມທີ່ເຊົາການຮຽນນັ້ນກໍ່ຈະຟື້ນຟູການຮຽນການສອນໃນວັນທີ24ມີນານີ້.
|
|
