|
|
 |
| (GMT+08:00)
2008-03-25 10:44:44
|
 |
|
ຈີນໃຊ້ງົບ40ຕື້ກວ່າຢວນເພື່ອຊຸກຍູ້ການປະຢັດພະລັງງານແລະຫຼຸດການລະບາຍມົນລະພິດ
cri
Author: d
ຕາມຂ່າວໜັງສືພິມເຢິນມິນຢື້ປ້າວ: ຫວ່າງມໍ່ໆນີ້,ທ່ານຈັ່ງເຊົ້າຊຸ່ນ ລັດຖະມົນຕີຊ່ວຍວ່າການກະຊວງການເງິນຈີນກ່າວວ່າ,ປີນີ້ ລັດຖະບານຈີນວາງແຜນຈະໃຊ້ງົບ41ຕື້800 ລ້ານຢວນເພື່ອຊຸກຍູ້ການປະຢັດພະລັງງານແລະຫຼຸດການລະບາຍມົນລະພິດ.
ທ່ານຈັ່ງເຊົ້າຊຸ່ນກ່າວວ່າ,ປະຈຸບັນ ກະຊວງການເງິນຈີນພວມຄົ້ນຄວ້າຫາລືກັນເພື່ອສ້າງກົນໄກທີ່ມີປະສິດທິຜົນອັນຍາວໄກໃນການຊຸກຍູ້ການປະຢັດພະລັງງານແລະຫຼຸດການລະບາຍມົນລະພິດ,ວຽກສຳຄັນແມ່ນເລັ່ງລັດຄົ້ນຄວ້າເຜີຍແຜ່ນະໂຍບາຍພາສີອາກອນເພື່ອຊຸກຍູ້ການປະຢັດພະລັງງານແລະຫຼຸດການລະບາຍມົນລະພິດ,ເພື່ອລະດົມຄວາມຫ້າວຫັນຂອງວິສາຫະກິດໃນການປະຢັດພະລັງງານແລະຫຼຸດການລະບາຍມົນລະພິດ.
ປີກາຍນີ້ ການເງິນສູນກາງຈີນໄດ້ໃຊ້ງົບ23ຕື້500ລ້ານຢວນເພື່ອປະຢັດພະລັງງານແລະຫຼຸດການລະບາຍມົນລະພິດ,ປະລິມານການລະບາຍມົນລະພິດຕົ້ນຕໍໄດ້ຫັນປ່ຽນໄປໃນທາງທີ່ດີຂຶ້ນຫຼາຍປີລຽນຕິດ,ການລະບາຍມົນລະພິດກໍ່ໄດ້ຫຼຸດລົງເທື່ອທຳອິດ.
|
|
|
