|
ຜູ່ຕ້ອງຫາທີ່ຖືກສົງໄສກໍ່ເຫດການຈະລາຈົນນະຄອນລາຊາ280ກວ່າຄົນເຂົ້າມອບຕົວ
cri
ຕາມຂ່າວCRI,ພະແນກປ້ອງກັນຄວາມສະຫງົບນະຄອນລາຊາແຈ້ງໃຫ້ຊາບວ່າ,ປັດຈຸບັນ,ໄດ້ມີ280ກວ່າຄົນທີ່ຖືກສົງໄສກໍ່ເຫດການຈະລາຈົນທີ່ນະຄອນລາຊາໄດ້ເປັນເຈົ້າການເຂົ້າມອບຕົວຕໍ່ພະແນກປ້ອງກັນຄວາມສະຫງົບ.
ໃນຜູ່ເຂົ້າມອບຕົວເຫຼົ່ານີ້,ບາງຄົນແມ່ນຖືກຄົນບໍ່ດີສ່ວນໜ້ອຍຍຸຍົງ,ບາງຄົນແມ່ນຖືກຄົນບໍ່ດີບັງຄັບໃຫ້ເຂົ້າຮ່ວມການຈະລາຈົນ, ບາງຄົນກໍ່ຖືກພວກແບ່ງແຍກໃຫ້ຕິເບດເປັນເອກະລາດໃຊ້ເງິນຈ້າງມາກໍ່ເຫດການຈະລາຈົນ.
ໂດຍພິຈາລະນາເຖິງຜູ່ຕ້າງຫາຈຳນວນໜຶ່ງມີໂທດເບົາ,ແລະເປັນເຈົ້າການມອບຕົວ,ປັດຈຸບັນ,ພະແນກປ້ອງກັນຄວາມສະຫງົບນະຄອນລາຊາໄດ້ປ່ອຍຕົວຜູ່ເຂົ້າມອບຕົວຈຳນວນໜຶ່ງ.
ນອກນີ້,ອົງການໄອຍະການປະຊາຊົນນະຄອນລາຊາຍັງໄດ້ອະນຸມັດຈັບຕົວຜູ່ຕ້ອງຫາ29ຄົນ,ເຂົາເຈົ້າຖືກສົງໄສກະທຳຜິດໃນຂໍ້ຫາທຳລາຍຄວາມປອດໄພຂອງຊາດແລະກະທຳຜິດທາງອາຍາຢ່າງໜັກໜ່ວງ.ພະແນກຕຸລາການຂອງນະຄອນລາຊາຍັງກ່າວວ່າ,ຈະອີງຕາມຄວາມເປັນຈິງແລະກົດໝາຍ,ລົງໂທດຫົວໂປ່ກໍ່ເຫດຢ່າງເຂັ້ມງວດ.
|
|
