|
ວັນທີ26ມີນານີ້,ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມຂ່າວ,ຜູ່ຊ່ຽວຊານຕິເບດສຶກສາໄດ້ວິຈານເຫດການຈະລາຈົນທີ່ນະຄອນລາຊາແລະຕອບ
ຄຳຖາມຂອງນັກຂ່າວ
ຕາມຂ່າວCRI,ວັນທີ26ມີນານີ້,ທ່ານໂສລາງຕົ່ວຈີ ນັກຄົ້ນຄວ້າສູນຄົ້ນຄວ້າຕິເບດສຶກສາຈີນ ນັກປາດເຜົ່າຕິເບດໃຫ້ສຳພາດຕໍ່ນັກຂ່າວCRIວ່າ,ເຫດການຈະລາຈົນທີ່ເກີດຂຶ້ນຢູ່ນະຄອນລາຊາແລະເຂດທີ່ມີຊາວຕິເບດຈຳນວນໜຶ່ງໃນຫວ່າງມໍ່ໆມານີ້ບໍ່ແມ່ນບັນຫາສາສະໜາ,ຫາກແມ່ນໂທດກຳຂອງກຸ່ມດາໄລລາມະທີ່ຖືຄັນຕາລະບັດທາງສາສະໜາບັງໜ້າເພື່ອທຳລາຍຄວາມເປັນເອກະພາບແລະຄວາມສາມັກຄີຂອງຊາດ.
ວັນທີ26ມີນານີ້,ຫ້ອງການຖະແຫຼງຂ່າວລັດຖະບານຈີນໄດ້ຈັດກອງປະຊຸມຂ່າວ,ຜູ່ຊ່ຽວຊານຕິເບດສຶກສາໄດ້ວິຈານເຫດການຈະລາຈົນທີ່ນະຄອນລາຊາແລະຕອບ
ຄຳຖາມຂອງນັກຂ່າວ
ທ່ານໂສລາງຕົ່ວຈີປີນີ້ອາຍຸ62ປີ,ໄດ້ຜ່ານສະໄໝສັງຄົມຂ້າທາດກະສິກອນສັກດິນາຂອງຕິເບດ.ທ່ານກ່າວວ່າ,ກ່ອນເຂດຕິເບດໄດ້ຮັບການປົດປ່ອຍໂດຍສັນຕິໃນປີ1951,ຕິເບດທີ່ຢູ່ໃຕ້ການປົກຄອງຂອງກຸ່ມດາໄລລາມະແມ່ນຢູ່ໃນສັງຄົມຂ້າທາດກະສິກຳສັກດິນາ,ຂ້າທາດກະສິກອນແລະຂ້າທາດທີ່ກວມປະຊາກອນຕິເບດ95%ຂຶ້ນໄປນັ້ນບໍ່ມີປັດໄຈການຜະລິດແລະອິດສະຫຼະດ້ານຮ່າງກາຍ,ດຳລົງຊີວິດທີ່ໜ້າສັງເວດ.ພາຍຫຼັງຕິເບດໄດ້ຮັບການປົດປ່ອຍໂດຍສັນຕິແລ້ວ,ໄດ້ຍົກເລີກລະບອບຂ້າທາດກະສິກອນສັກດິນາ.ບໍ່ວ່າເຫດການກໍ່ການກະບົດດ້ວຍກຳລັງອາວຸດທີ່ກຸ່ມດາໄລລາມະກໍ່ຂຶ້ນໃນປີ1959,ຫຼືແມ່ນເຫດການຈະລາຈົນທີ່ເກີດຂຶ້ນຢູ່ນະຄອນລາຊາແລະເຂດທີ່ມີຊາວຕິເບດແຫ່ງອື່ນໆເທື່ອນີ້ລ້ວນແຕ່ແມ່ນກຸ່ມດາໄລລາມະບໍ່ຍອມເສຍຜົນປະໂຫຍດແລະຖານະການປົກຄອງຂອງຕົນແລ້ວຈິ່ງກໍ່ເຫດການຈະລາຈົນ.
ຕໍ່ກຸ່ມດາໄລລາມະທີ່ເປີດປ່າວຖ້ອຍຄວາມຢູ່ຕ່າງປະເທດວ່າ"ປະຊາຊົນເຜົ່າຕິເບດບໍ່ມີເສລີພາບໃນການເຊື່ອຖືສາສະໜາ",ທ່ານໂສລາງຕົ່ວຈີກ່າວວ່າ,ລັດຖະທຳມະນູນຂອງຈີນໄດ້ລະບຸຢ່າງຈະແຈ້ງວ່າ,ຈີນປະຕິບັດນະໂຍບາຍເສລີພາບໃນການເຊື່ອຖືສາສະໜາ.ນະໂຍບາຍນີ້ໄດ້ຮັບການຜັນຂະຫຍາຍແລະປະຕິບັດຢ່າງເຕັມທີ່ຢູ່ເຂດຕິເບດ.ປັດຈຸບັນ,ເຂດຕິເບດມີວັດວາອາຮາມແລະສະຖານທີ່ດຳເນີນກິດຈະກຳທາງສາສະໜາ1787ແຫ່ງ,ໄດ້ຕອບສະໜອງຄວາມຕ້ອງການຂອງປະຊາຊົນຜູ່ເຊື່ອຖືສາສະໜາດຳເນີນກິດຈະກຳສາສະໜາຢ່າງເປັນປົກກະຕິໂດຍພື້ນຖານ.
|
