|
|
 |
| (GMT+08:00)
2008-03-26 18:17:53
|
 |
|
ຊາວຕ່າງປະເທດທີ່ຢູ່ຕິເບດເຫັນເຫດການຈະລາຈົນກັບຕາ
cri
ຕາມຂ່າວສານຊິນຮວາ,ຫວ່າງມໍ່ໆນີ້,ນັກຂ່າວຈີນໄດ້ສຳພາດຊາວຕ່າງປະເທດຈຳນວນໜຶ່ງທີ່ເຫັນ ເຫດການຈະລາຈົນທີ່ນະຄອນລາຊາ ກັບຕາ.ຊາວຕ່າງປະເທດເຫຼົ່ານີ້ໄດ້ສະແດງຄວາມຄຽດແຄ້ນຢ່າງຮຸນແຮງຕໍ່ຄວາມໂຫດຮ້າຍປ່າເຖື່ອນຂອງກຸ່ມຄົນບໍ່ດີ.
ວັນທີ14ມີນານີ້,ທ່ານໂດນີແກຼຊັນ ຫົວໜ້າກອງທຶນຫຼຸດຜ່ອນຄວາມທຸກຍາກຕິເບດທີ່ເປັນຄົນອາເມລິກາໄດ້ເຫັນປະຊາຊົນແຕກໜີແລະສີໜ້າທີ່ຕົກທ້ານຢ້ານກົວຂອງເຂົາເຈົ້າ.ຊາວໜຸ່ມກຸ່ມໜຶ່ງໃຊ້ກ້ອນດິນຈີ່ແລະກ້ອນຫີນແກວ່ງໃສ່ລົດຍົນທີ່ຢູ່ຕາມຖະໜົນ.ທ່ານແກຼຊັນກ່າວວ່າ,ຂ້າພະເຈົ້າບໍ່ຮູ້ວ່າເຂົາເຈົ້າເອົາກ້ອນຫີນ ມາແຕ່ໃສ,ຄືດັ່ງໄດ້ກຽມໄວ້ລ່ວງໜ້າແລ້ວ.
ນາງອູຊີລາ ຊາວສະໂລເວນີ ກ່າວວ່າ,ໃນມື້ນັ້ນ,ນາງໄດ້ເຫັນຊາວໜຸ່ມຫຼາຍຄົນຖືໄມ້ຄ້ອນ,ກ້ອນຫີນໄລ່ຕີຜູ່ສັນຈອນໄປມາ,ຍູ້ລົດຍົນໃຫ້ຂວ້ຳປິ້ນ,ແລະຈູດໄຟທົ່ວທຸກແຫ່ງ,ທັບມ້າງແລະປຸ້ນຈີ້ຮ້ານຄ້າທີ່ຢູ່ສອງຟາກທາງ.ນາງກ່າວວ່າ,ນາງເຫັນວ່າເຫດການເທື່ອນີ້ແມ່ນມີການຈັດຕັ້ງ,ຢ່າງໜ້ອຍຕ້ອງແມ່ນກົນອຸບາຍທີ່ວາງແຜນໄວ້ລ່ວງໜ້າແລ້ວ.
ທ່ານຢາງ ນັກທ່ອງທ່ຽວຊູແອັດກ່າວວ່າ,ໃນວັນທີ14ມີນາ,ທ່ານໄດ້ເຫັນຢູ່ສະຖານທີ່ເກີດເຫດ,ເຈົ້າໜ້າທີ່ຂອງຈີນມີແຕ່ປ້ອງກັນຕົວຢູ່ປາກທາງສີ່ແຍກ,ສະແດງໃຫ້ເຫັນມີຄວາມອົດກັ້ນທີ່ສຸດ.ທ່ານແກຼຊັນກໍ່ກ່າວວ່າ,ຂ້າພະເຈົ້າບໍ່ໄດ້ເຫັນຕຳຫຼວດຍິງປືນໃສ່ຜູ່ກໍ່ຈະລາຈົນເລີຍ.ທ່ານຢາງກ່າວວ່າ,ດີໃຈຫຼາຍທີ່ໄດ້ເຫັນສະຖານະການໃນປັດຈຸບັນຂອງລາຊາໄດ້ສະຫງົບລົງແລ້ວ,ປະຊາຊົນທັງຫຼາຍເລີ່ມດຳລົງຊີວິດແລະເຮັດວຽກຢ່າງເປັນປົກກະຕິຄືນໃໝ່.
|
|
|
