|
ບົດວິຈານຂ່າວສານຊິນຮວາຂຽນວ່າເຫດການຈະລາຈົນເປັນການຢຽບຢ່ຳສິດທິມະນຸດຂອງປະຊາຊົນບັນດາເຜົ່າຂອງຕິເບດ
cri
ຕາມຂ່າວສານຊິນຮວາ,ວັນທີ26ມີນານີ້,ຂ່າວສານຊິນຮວາໄດ້ພິມບົດວິຈານໂດຍຊີ້ອອກວ່າ,ເຫດການຈະລາຈົນເປັນການຢຽບຢ່ຳສິດທິມະນຸດປະຊາຊົນບັນດາເຜົ່າຂອງຕິເບດ.
ບົດວິຈານຂຽນວ່າ,ປະຊາຊົນທີ່ບໍ່ມີຄວາມຜິດຫຍັງ18ຄົນຖືກທຳຮ້າຍຈົນເສຍຊີວິດ,382ຄົນໄດ້ຮັບບາດເຈັບ,ເຮືອນ120ຫຼັງຖືກເຜົາທຳລາຍ,ຮ້ານຄ້າ908ຮ້ານຖືກທັບມ້າງແລະປຸ້ນຈີ້,ໂຮງຮຽນ7ແຫ່ງແລະໂຮງໝໍ5ແຫ່ງຖືກທຳລາຍແລະຈູດເຜົາ,ຄຳເວົ້າທີ່ວ່າມີຄວາມເມດຕາແບບຈອມປອມນັ້ນປິດບັງເລື່ອງຈິງທີ່ນອງເລືອດບໍ່ໄດ້.
ບົດວິຈານຂຽນວ່າ,ທີ່ຈິງແລ້ວ,ກຸ່ມດາໄລລາມະຖືຄັນຕາລະບັດສິດທິມະນຸດບັງໜ້າ,ເຈດຕະນາອັນແທ້ຈິງຂອງເຂົາກໍຄືຫຼັກໝັ້ນທີ່ເຂົາຍຶດໝັ້ນດື້ດ້ານ ມາຕະຫຼອດນັ້ນຍັງແມ່ນເຮັດໃຫ້ຕິເບດເປັນເອກະລາດ,ຢາກຟື້ນຟູລະບອບຂ້າທາດກະສິກອນສັກດິນາທີ່ມີການປົກຄອງປະສົມກັບສາສະໜາເປັນອັນດຽວກັນຂອງຕິເບດເກົ່າ.ຖ້າກົນອຸບາຍຂອງກຸ່ມດາໄລລາມະບັນລຸຜົນເປັນຈິງ,ປະຊາຊົນຕິເບດຈະປະສົບກັບໄພພິບັດດ້ານມະນຸດສະທຳຢ່າງໜັກໜ່ວງ.ແຕ່ວ່າ,ປະຫວັດສາດຈະບໍ່ຕ່າວປີ້ນຄືນຍ້ອນກຸ່ມຄົນບໍ່ດີກຸ່ມນ້ອຍໆນີ້.
|
|
