|
ພະເຖລະຂອງຕິເບດພາກັນກ່າວວ່າເຫດການ14ມີນາໄດ້ເຜີຍແບໃຫ້ເຫັນໃບໜ້າທີ່ແທ້ຈິງຂອງກຸ່ມດາໄລລາມະທີ່ສ້າງໄພພິບັດໃຫ້ຕິເບດແລະທຳລາຍຄວາມເປັນລະບຽບຮຽບຮ້ອຍທາງສາສະໜາ
cri
ຕາມຂ່າວສານຊິນຮວາ,ຫວ່າງມໍ່ໆມານີ້,ພະເຖລະຂອງວົງການການສາສະໜາຕິເບດພາກັນກ່າວວ່າ,ເຫດການຈະລາຈົນ14ມີນາທີ່ນະຄອນລາຊາໄດ້ເຜີຍແບໃຫ້ເຫັນຢ່າງເຕັມທີ່ເຖິງໃບໜ້າທີ່ແທ້ຈິງຂອງກຸ່ມດາໄລລາມະທີ່ສ້າງໄພພິບັດໃຫ້ຕິເບດແລະທຳລາຍຄວາມເປັນລະບຽບຮຽບຮ້ອຍຂອງສາສະໜາ.
ພະເຖລະ ລາດາ ງັກວາງແດນຈິນ ຮອງປະທານພຸດທະສະມາຄົມຈີນສາຂາຕິເບດກ່າວວ່າ,ພະດາໄລລາມະສວຍໃຊ້ບົດບາດໃນດ້ານສາສະໜາຂອງຕົນ,ຍຸຍົງແລະຊື້ຈ້າງພະສົງຈຳນວນໜຶ່ງ,ນຳໃຊ້ເຂົາເຈົ້າກໍ່ເຫດການຕ່າງໆຢູ່ໃນດິນແດນຈີນ.ການກະທຳແນວນີ້ບໍ່ພຽງແຕ່ໄດ້ທຳລາຍຄວາມເປັນລະບຽບຮຽບຮ້ອຍຂອງສາສະໜາເທົ່ານັ້ນ,ຍັງໄດ້ຝ່າຝືນຫຼັກສິນທຳຂອງພຸດທະສາສະໜາຢ່າງສິ້ນເຊີ່ງ.
ພະເຖລະ ດຸບຄາງ ຕຸບດັນເຄດຸບ ປະທານພຸດທະສະມາຄົມຈີນສາຂາຕິເບດ ພະເຖລະຂອງວັດຊ້ຽວເຕິ່ງນາສູ ກ່າວວ່າ,ໃນຖານະເປັນພະເຖລະອົງໜຶ່ງຂອງພຸດທະສາສະໜາຕິເບດ,ເມື່ອໄດ້ເຫັນຜູ່ທີ່ໃສ່ຜ້າຄຸມສີຕັບໝູທຸບຕີ ທັບມ້າງ ປຸ້ນຈີ່ ຈູດໄຟເຜົາຢ່າງບັງອາດ,ເພິ່ນຮູ້ສຶກອຸກໃຈແລະຄຽດແຄ້ນຫຼາຍ,ເພິ່ນຮຽກຣ້ອງໃຫ້ພະເຖລະຂອງວັດນ້ອຍໃຫຍ່ຕ່າງໆຂອງຕິເບດເຫັນແຈ້ງທາດແທ້ຂອງພວກແບ່ງແຍກ,ຄຸ້ມຄອງວັດຂອງຕົນແລະສຶກສາອົບຮົມຜູ່ເຊື່ອຖືຂອງຕົນໃຫ້ດີ.
ພະເຖລະ ດາຈັກ ແດນຈິນເກເລັກ ຂອງວັດດັກຊາຕິເບດກ່າວວ່າ,ພະສົງຂອງວັດສ່ວນໜ້ອຍບໍ່ຮຽນຄຳພິໃຫ້ດີ,ບໍ່ເຄົາລົບທຳມະວິໄນຂອງສາສະໜາ,ທຳລາຍຄວາມເປັນລະບຽບຮຽບຮ້ອຍຂອງສາສະໜາ,ແລະທຳລາຍຜົນປະໂຫຍດພື້ນຖານຂອງວົງການສາສະໜາແລະປະຊາຊົນຜູ່ເຊື່ອຖືສາສະໜາອັນໄພສານ.
|
|
