|
|
 |
| (GMT+08:00)
2008-03-28 15:12:20
|
 |
|
ສິດຢູ່ລອດແລະສິດພັດທະນາຂອງປະຊາຊົນຕິເບດມີການຮັບປະກັນ
cri
ຕາມຂ່າວCRI,ວັນທີ28ມີນານີ້,ຂ່າວສານຊິນຮວາທີ່ເປັນຂ່າວສານແຫ່ງຊາດຈີນໄດ້ພິມບົດຄວາມໂດຍຊີ້ອອກວ່າ,ນັບແຕ່ເຂດປົກຄອງຕົນເອງຕິເບດຈີນດຳເນີນການປະຕິຮູບປະຊາທິປະໄຕເກືອບ50ປີມານີ້,ສິດແຫ່ງຄວາມຢູ່ລອດແລະສິດໄດ້ຮັບການພັດທະນາຂອງປະຊາຊົນຕິເບດອັນໄພສານໄດ້ມີການຮັບປະກັນຂຶ້ນພື້ນຖານທີ່ສຸດ.
ຂໍ້ມູນປະຫວັດສາດຈຳນວນຫຼວງຫຼາຍໄດ້ບັນທຶກໄວ້ວ່າ,ກ່ອນໄດ້ຮັບການປົດປ່ອຍໂດຍສັນຕິແລະດຳເນີນການປະຕິຮູບປະຊາທິປະໄຕ,ຕິເບດຢູ່ໃຕ້ລະບອບຂ້າທາດກະສິກອນສັກດິນາ,ຂ້າທາດກະສິກອນຢ່າງຫຼວງຫຼາຍດຳລົງຊີວິດຢູ່ໃນລະດັບຕ່ຳທີ່ສຸດໃນສັງຄົມ.ສະພາບສິດທິມະນຸດຂີ້ຮ້າຍທີ່ສຸດ.ພາຍຫຼັງໄດ້ຮັບການປົດປ່ອຍໂດຍສັນຕິແລະດຳເນີນການປະຕິຮູບປະຊາທິປະໄຕແລ້ວ,ໄດ້ຍົກເລີກລະບອບທີ່ການປົກຄອງປະສົມກັບສາສະໜາ ແລະລະບອບຂ້າທາດກະສິກອນສັກດິນາທີ່ຢູ່ໃຕ້ການປົກຄອງຂອງພະດາໄລລາມະ.ລະບອບປົກຄອງຕົນເອງຂອງເຂດຊົນເຜົ່າເຮັດໃຫ້ປະຊາຊົນຕິເບດມີສິດປົກຄອງຕົນເອງທີ່ເຂົ້າຮ່ວມການຄຸ້ມຄອງວຽກ ບ້ານການເມືອງຢ່າງສະເໝີພາບ,ຄຸ້ມຄອງວຽກງານຂອງເຂດແຄວ້ນຕົນແລະຊົນເຜົ່າຕົນຢ່າງເປັນເຈົ້າຕົນເອງ.
ໃນຫຼາຍປີມໍ່ໆມານີ້,ລັດຖະບານຈີນໄດ້ໃຫ້ການຊ່ວຍເຫຼືອ,ຊຸກຍູ້ໃຫ້ເສດຖະກິດສັງຄົມຕິເບດພັດທະນາຢ່າງວ່ອງໄວ.ປັດຈຸບັນ,ເສດຖະກິດສັງຄົມຕິເບດໄດ້ເຂົ້າສູ່ໄລຍະພັດທະນາໄວທີ່ສຸດ,ຈັງຫວະເຕີບໂຕຂອງເສດຖະກິດສູງກວ່າລະດັບສະເລ່ຍຂອງທົ່ວປະເທດຕັ້ງຫຼາຍປີແລ້ວ.
ບົດຄວາມຂຽນວ່າ,ປະຫວັດເກືອບ50ປີທີ່ຜ່ານມາຂອງຕິເບດໄດ້ບອກຊາວໂລກຮູ້ວ່າ,ຂໍແຕ່ວ່າຍຶດໝັ້ນເດີນຕາມເສັ້ນທາງສັງຄົມນິຍົມທີ່ມີສີສັນພິເສດຂອງຈີນ,ຍຶດໝັ້ນປະຕິບັດລະບອບປົກຄອງຕົນເອງຂອງເຂດຊົນເຜົ່າ,ຕິ
ເບດຈະມີອະນາຄົດອັນດີງາມກວ່າເກົ່າ.
|
|
|
