ຂ່າວສານຊິນຮວາລາຍງານວ່າ:ລັດ​ຖະບານ​ຈີນ​ຈະ​ໃຊ້​ງົບປະມານ​ຫຼວງ​ຫຼາຍ​ທີ່​ສ້າງ​ສິ່ງ​ກີດຂວາງ​ປ້ອງ​ກັນ​ຄວາມ​ປອດ​ໄພ​ທຳ​ມະ​ຊາດ​ຢູ່​ຫຼັງ​ຄາ​ໂລກ.

ນັກ​ຂ່າວ​ໄດ້​ຂ່າວຈາກ​ພະ​ແນ​ກ​ອະນຸລັກ​ສິ່ງ​ແວດ​ລ້ອມ​ຂອງ​ເຂດ​ປົກຄອງ​ຕົນ​ເອງ​ຕິ​ເບ​ດ​ແຈ້ງ​ຂ່າວວ່າ,​ແຜນການ​ອະນຸລັກ​​ແລະ​ກໍ່ສ້າງ​ສິ່ງ​ກີດຂວາງ​ຄວາມ​ປອດ​ໄພ​ທຳ​ມະ​ຊາດ​ຂອງ​ລັດ​ກ່ຽວ​ກັບ​ພູ​ພຽງ​ຕິ​ເບ​ດທີ່ລົງທຶນ​ຫຼາຍ​ກວ່າ 10 ຕື້​ຢວນ​ໄດ້ກ່ຽວ​ພັນ​ເຖິງ​​ໂຄງການ 14 ລາຍ​ເຊັ່ນ:ການ​ອະນຸລັກ​ທົ່ງ​ຫຍ້າ​ທຳ​ມະ​ຊາດ ການ​ອະນຸລັກສັດ​ແລະ​ພືດປ່າ​​ແລະ​ການ​ກໍ່ສ້າງ​ເຂດ​ສະຫງວນ​ແລະ​ໂຄງການ​ປັບປຸງນ້ຳ​ເຊາະ​ດິນ​ເຈື່ອນ​​​ແຕ່​ປີ 2006 ຮອດ​ປີ 2030.

   ຂ່າວ​ແຈ້ງວ່າ,​ໃນ​ໄລຍະປະຕິບັດ​ແຜນການ ຕ້ອງ​ສຳ​ເລັດການ​ປູກ​ຫຍ້າ​ໃສ່​ທົ່ງຫຍ້າຄືນ​ໃຫມ່​ເກືອບ 15 ລ້ານ​ເຮັກຕາ,​ເນື້ອ​ທີ່​ທີ່ປັບປຸງ​ນ້ຳ​ເຊາະ​ດິນ​ເຈື່ອນ​ມີ 3 ລ້ານ 1 ​ແສນ​ກວ່າ​ເຮັກຕາ.

ພູ​ພຽງ​ຊິນ​ໄຮ-​ຕິ​ເບ​ດທີ່​​ຖືກ​ເອີ້ນ​ເປັນຫຼັງຄາ​ໂລກ​ແມ່ນ​ພາກພື້ນ​ສິ່ງ​ແວດ​ລ້ອມ​ທຳ​ມະ​ຊາດ​ທີ່​ມີ​​ເອກະລັກ​ພິ​ເສດ​​ໃນ​ໂລກ.ຕິ​ເບ​ດ​ເປັນ​ປ່ອນ​ສຳຄັນ​ທີ່​ສຸດ​ຂອງ​ພູ​ພຽງ​ຊິນ​ໄຮ-​ຕິ​ເບ​,​ໄດ້​ຕົກລົງວ່າ​ພູ​ພຽງ​ຕິ​ເບ​ດ​ແມ່ນ​ສິ່ງ​ກີດຂວາງ​ເພື່ອ​ປ້ອງ​ກັນ​ຄວາມ​ປອດ​ໄພ​ທຳ​ມະ​ຊາດ​ທີ່​ສຳຄັນ​ຂອງ​ຈີນ​ແລະ​ອາຊີ.