|
ຂ່າວສານຊີນຮວາພິມບົດຄວາມວ່າ, ກຸ່ມດາໄລລາມະແມ່ນຜູ້ວາງແຜນປຸກປັ່ນກໍ່ເຫດການຈະລາຈົນຢູ່ລາຊາ
cri
ຕາມຂ່າວສານຊີນຮວາ, ວັນທີ30ມີນານີ້, ຂ່າວສານຊີນຮວາ ສຳນັກຂ່າວໃຫຍ່ກວ່າໝູ່ຂອງຈີນໄດ້ພິມບົດຄວາມທີ່ລົງນາມອີ້ຕົ່ວ. ບົດຄວາມຂຽນວ່າ, ກຸ່ມດາໄລລາມະແມ່ນຜູ້ວາງແຜນການແລະປຸກປັ່ນກໍ່ເຫດການຈະລາຈົນຢູ່ລາຊາ.
ບົດຄວາມຊີ້ອອກວ່າ, ຫຼັງຈາກກຸ່ມດາໄລລາມະກໍ່ກະບົດດ້ວຍກຳລັງອາວຸດປະລາໄຊແລະໜີໄປຕ່າງປະເທດໃນປີ1959ແລ້ວ, ພວກເຂົາໄດ້ດຳເນີນການເຄື່ອນໄຫວແບ່ງແຍກປະເທດຊາດມາເປັນເວລາຍາວນານ. ຫຼັງຈາກນະຄອນຫຼວງປັກກິ່ງໄດ້ຮັບສິດຈັດງານກິລາໂອລິມປິກປີ2008ແລ້ວ, ກຸ່ມດາໄລລາມະໄດ້ສະເໜີສູ້ລົບເດັດຂາດກັບງານກິລາໂອລິມປິກ, ໝາຍຈະລົບກວນງານກິລາໂອລິມປິກເພື່ອເລັ່ງລັດການແບ່ງແຍກເຂດຕິເບດອອກເປັນເອກະລາດ, ແລະໄດ້ດຳເນີນການເຄື່ອນໄຫວທຳລາຍຢູ່ຈີນແລະຕ່າງປະເທດທີ່ແນ່ໃສ່ງານກິລາໂອລິມປິກປັກກິ່ງ.
ບົດຄວາມຂຽນວ່າ, ພາຍໃຕ້ການປຸກປັ່ນຂອງກຸ່ມດາໄລລາມະ, ວັນທີ14ມີນາປີນີ້, ພວກຄົນຮ້າຍຈຳນວນໜຶ່ງໄດ້ເລີ່ມກໍ່ເຫດການຈະລາຈົນຢູ່ເມືອງລາຊາ. ມື້ດຽວກັນ, ກຸ່ມດາໄລລາມະໄດ້ຈັດກອງປະຊຸມ, ຕົກລົງໃຫ້ອັນທີ່ວ່າກະຊວງການເງິນຂອງລັດຖະບານພັດຖິ່ນຕິເບດຮັບຜິດຊອບຫ້າງຫາເງິນ, ເພື່ອເປັນຄ່າໃຊ້ຈ່າຍສູ້ລົບກັບລັດຖະບານຈີນຢ່າງເດັດຂາດ.
ບົດຄວາມຂຽນວ່າ, ເລື່ອງຈິງຈຳນວນຫຼວງຫຼາຍສະແດງໃຫ້ເຫັນຢ່າງຈະແຈ້ງວ່າ, ວັນທີ14ມີນານີ້ພວກຄົນບໍ່ດີຈຳນວນໜ້ອຍກໍ່ເຫດການຈະລາຈົນຢູ່ເມືອງລາຊາຕິເບດແມ່ນກຸ່ມດາໄລລາມະເປັນຜູ້ຈັດຕັ້ງອຸບາຍລ່ວງໜ້າ ວາງແຜນແລະປຸກປັ່ນກໍ່ຂຶ້ນ.
|
|
