|
|
 |
| (GMT+08:00)
2008-03-31 16:49:47
|
 |
|
"ກົດໝາຍວ່າດ້ວຍການປະຢັດພະລັງງານ"ຂອງຈີນທີ່ປັບປຸງແລ້ວຈະເລີ່ມປະຕິບັດແຕ່ວັນທີ 1 ເມສາປີນີ້
cri
Author: MO
ຕາມຂ່າວCRI: "ກົດໝາຍວ່າດ້ວຍການປະຢັດພະລັງງານ"ຂອງຈີນທີ່ປັບປຸງແລ້ວຈະເລີ່ມປະຕິບັດຢ່າງເປັນທາງການແຕ່ວັນທີ 1 ເມສາປີນີ້ເປັນຕົ້ນໄປ. ກົດໝາຍດັ່ງກ່າວໄດ້ຈັດເອົາວຽກງານປະຢັດພະລັງງານຂອງຂະແໜງການກໍ່ສ້າງ, ຄົມມະນາຄົມ ແລະອົງການລັດຖະບານເຂົ້າໃນກົດໝາຍ, ແລະບູລະນະລະບອບຄຸ້ມຄອງການປະຢັດພະລັງງານແລະມາດຕະການຕ່າງໆກ່ຽວກັບການສົ່ງເສີມແລະການປັບໄໝ.
ໃນຂະນະທີ່ເອົາໃຈໃສ່ການນຳໃຊ້ພາຫະນະເສດຖະກິດເຊັ່ນນະໂຍບາຍການເງິນແລະອາກອນເປັນຕົ້ນມາຊີ້ນຳການປະຢັດພະລັງງານແລ້ວ, "ກົດໝາຍວ່າດ້ວຍການປະຢັດພະລັງງານ"ທີ່ປັບປຸງແລ້ວຍັງໄດ້ວາງມາດຕະການຄຸ້ມຄອງການປະຢັດພະລັງງານທີ່ມີລັກສະນະບັງຄັບໃຊ້ມາດຕະການຕ່າງໆ. ນອກນັ້ນ, ກົດໝາຍດັ່ງກ່າວໄດ້ເພີ່ມທະວີການລົງໂທດການເຄື່ອນໄຫວທີ່ຝືນກົດໝາຍປະຢັດພະລັງງານຕ່າງໆ.
"ກົດໝາຍວ່າດ້ວຍການປະຢັດພະລັງງານ"ຂອງຈີນເລີ່ມປະຕິບັດແຕ່ປີ 1998, ເດືອນຕຸລາປີກາຍນີ້, ສະພາຂອງຈີນໄດ້ປັບປຸງກົດໝາຍດັ່ງກ່າວ.
|
|
|
