|
|
 |
| (GMT+08:00)
2008-03-31 18:17:42
|
 |
|
ເຈົ້າໜ້າທີ່ການທູດຂອງປະເທດຈຳນວນໜຶ່ງປະຈຳຈີນໄປສຳຫຼວດເຫດການຢູ່ນະຄອນລາຊາສະໜັບສະໜູນມາດຕະການຂອງລັດຖະບານຈີນ
cri
ຕາມຂ່າວCRI,ວັນທີ28ມີນານີ້,ເຈົ້າໜ້າທີ່ການທູດຂອງປະເທດຈຳນວນໜຶ່ງປະຈຳຈີນໄດ້ໄປນະຄອນລາຊາ ເທດສະບານເຂດປົກຄອງຕົນເອງຕິເບດຈີນ,ເພື່ອສຳຫຼວດເຫດການຈະລາຈົນ14ມີນາທີ່ນະຄອນລາຊາເປັນເວລາ2ມື້.
ເຈົ້າໜ້າທີ່ການທູດທີ່ໄປສຳຫຼວດຢູ່ນະຄອນລາຊານັ້ນແມ່ນຂອງເບຼຊີນ ອາເມລິກາ ອັງກິດ ສິງກະໂປ ຕັງຊານີ ຣັດເຊຍແລະອື່ນໆ.ພາຍຫຼັງຄະນະສຳຫຼວດໄປຮອດນະຄອນລາຊາແລ້ວ,ໄດ້ໄປຮ້ານຂາຍເຄື່ອງນຸ່ງ ຢີສຸນທີ່ຕັ້ງຢູ່ຖະໜົນເປຈິ່ງຈົ່ງລູ້ ທີ່ຖືກຈູດເຜົາທຳລາຍ.ໃນເຫດການຈະລາຈົນ,ພະນັກງານຂາຍທີ່ເປັນຜູ່ສາວ5ຄົນໃນຮ້ານຄ້າແຫ່ງນີ້ເສຍຊີວິດໃນກອງໄຟ.ພາບຕົວຈິງທີ່ເຫັນກັບຕາເຮັດໃຫ້ພວກເຈົ້າໜ້າທີ່ການທູດຕື່ນຕົກໃຈຫຼາຍ.ທ່ານຈອດຈ໌ ມາໂນນກີ ທີ່ປຶກສາສະຖານທູດຕັງຊານີປະຈຳຈີນກ່າວວ່າ,ຖ້າບໍ່ໄດ້ມາເຫັນກັບຕາ,ກໍ່ບໍ່ສາມາດຊອກຮູ້ສະພາບຕົວຈິງເຫຼົ່ານີ້,ພວກຂ້າພະເຈົ້າດີໃຈຫຼາຍທີ່ໄດ້ເຫັນລັດຖະບານຈີນໃຊ້ມາດຕະການລະງັບເຫດການຈະລາຈົນ.
ຢູ່ແຫ່ງຕ່າງໆຂອງນະຄອນລາຊາເຊັ່ນຖະໜົນເປຈິ່ງຈົ່ງລູ້,ຖະໜົນຊິງນຽນລູ້ ໂຮງຮຽນມັດຖະຍົມທີສອງລາຊາແລະໂຮງໝໍປະຊາຊົນເຂດປົກຄອງຕົນເອງຕິເບດເປັນຕົ້ນ,ຄະນະເຈົ້າໜ້າທີ່ການທູດໄດ້ເຫັນຮ້ານຄ້າ ທະນາຄານໂຮງຮຽນເຮືອນຢູ່ ທີ່ຖືກຈູດເຜົາທຳລາຍເຫຼືອແຕ່ຊາກ,ແລະໄດ້ເຫັນປະຊາຊົນທີ່ບໍ່ມີຄວາມຜິດຫຍັງຖືກບາດເຈັບ.ເລື່ອງຈິງທີ່ໂຕ້ຖຽງບໍ່ໄດ້ນີ້ເຮັດໃຫ້ເຈົ້າໜ້າທີ່ການທູດທັງຫຼາຍໄດ້ຮັບຮູ້ຄວາມຈິງແລະທາດແທ້ຂອງເຫດການ14ມີນາຫຼາຍກວ່າເກົ່າ.
ທ່ານນາງຟູທິວລີ ທີ່ປຶກສາສະຖານທູດສິງກະໂປປະຈຳຈີນກ່າວວ່າ,ຕໍ່ການກະທຳທີ່ໂຫດຮ້າຍປ່າເຖື່ອນແນວນີ້,ຂ້າພະເຈົ້າເຫັນວ່າ ລັດຖະບານຄວນໃຊ້ມາດຕະການໃດໜຶ່ງເພື່ອປົກປັກຮັກສາຄວາມປອດໄພຂອງປະຊາຊົນລາຊາ,ພວກຂ້າພະເຈົ້າສະໜັບສະໜູນເລື່ອງນີ້.
ໃນໄລຍະຢູ່ນະຄອນລາຊາ,ຄະນະສຳຫຼວດຍັງໄດ້ໄປຢ້ຽມຢາມວັດຕ້າຈ່າວແລະພົບປະໂອ້ລົມຢ່າງກວ້າງຂວາງກັບປະຊາຊົນແລະບຸກຄົນວົງການຕ່າງໆຂອງນະຄອນລາຊາ.
|
|
|
