|
|
 |
| (GMT+08:00)
2008-04-01 11:12:15
|
 |
|
ພາກສ່ວນກວດກາຄຸນນະພາບຂອງຈີນໃຊ້ຫລາຍມາດຕະການເພື່ອຮັບປະກັນຄວາມປອດໄພຂອງອາຫານໃນໄລຍະຈັດງານກິລາໂອລິມປິກ
cri
ຕາມຂ່າວ cri: ຄຽງຄູ່ກັບງານກິລາໂອລິມປິກປັກກິ່ງນັບມື້ນັບໃກ້ເຂົ້າມາ, ວັນທີ 31 ມີນາ ຢູ່ປັກກິ່ງ, ທ່ານ ພູຊາງເຊິງ ຮອງຫົວຫນ້າກົມໃຫຍ່ກວດສອບຄຸນນະພາບແລະກວດກາພະຍາດແຫ່ງຊາດຈີນກ່າວວ່າ,ຈີນຈະຕິດຕາມກວດກາອາຫານທີ່ສະຫນອງໃຫ້ງານກິລາໂອລິມປິກນັ້ນຢ່າງເຂັ້ມງວດ, ເພື່ອຮັບປະກັນຄວາມປອດໄພດ້ານອາຫານຂອງງານກິລາໂອລິມປິກ.
ໃນກອງປະຊຸມກ່ຽວກັບຄວາມປອດໄພອາຫານຂອງງານກິລາໂອລິມ ປິກທີ່ຈັດຂຶ້ນໃນມື້ດຽວກັນ,ທ່ານ ພູຊາງເຊີງ ກ່າວວ່າ, ພາກສ່ວນກວດກາຄຸນນະພາບຂອງແຫ່ງຕ່າງໆຕ້ອງສ້າງມາດຕະຖານກວດກາຄຸນນະພາບ ຂອງອາຫານງານກິລາໂອລິມປິກໃຫ້ໄດ້ມາດຕະຖານ,ເພີ່ມທະວີການຕິດ ຕາມກວດກາວິສາຫະກິດປຸງແຕ່ງອາຫານຂອງງານກິລາໂອລິມປິກ. ສຳລັບວິສາຫະກິດຜະລິດແລະປຸງສົ່ງອາຫານຂອງງານກິລາໂອລິມປິກໂດຍສະເພາະນັ້ນ, ພະແນກກວດກາຄຸນນະພາບຕ້ອງແຕ່ງຫນ່ວຍງານຕິດຕາມກວດກາໄປປະຈຳ,ແລະກຳນົດລະບຽບການແລະແຜນການຮັບມືກັບກໍລະນີສຸກເສີນຕໍ່ໂຮງງານເຫລົ້ານັ້ນ.ພ້ອມກັນນັ້ນ, ພາກສ່ວນກວດກາຄຸນະນພາບຍັງຈະເພີ່ມທະວີການຕິດຕາມກວດກາອາຫານທີ່ສະຫນອງໃຫ້ບ້ານໂອລິມປິກ ສະຫນາມກິລາຕ່າງໆແລະອື່ນໆ.
|
|
|
