|
ຫນັງສືພິມຈົ່ງໂກວຢື້ປ້າວພິມບົດຄວາມເລື່ອງອັນທີ່ວ່າການເຈລະຈາທີ່ມີລັກສະນະທາດແທ້ຂອງພະດາໄລລາມະແມ່ນຢາກເຈລະຈາຫຍັງແທ້
cri
ຕາມຂ່າວສານຊິນຮວາ:ຫນັງສືພິມຈົ່ງໂກຢື້ປ້າວສະບັບວັນທີ 2 ເມສານີ້ ໄດ້ພິມບົດຄວາມທີ່ພາດຫົວເລື່ອງວ່າອັນທີ່ວ່າການເຈລະຈາທີ່ມີລັກສະນະທາດແທ້ຂອງພະດາໄລລາມະແມ່ນຢາກເຈລະຈາຫຍັງແທ້?
ບົດຄວາມຂຽນວ່າ,ຫວ່າງກ່ອນນີ້ບໍ່ດົນ,ພະດາໄລລາມະກ່າວວ່າ, ຫວັງໃຫ້ຜູ່ນຳຈີນນຳໃຊ້ສະຕິປັນຍາດຳເນີນການເຈລະຈາສັນຕິພາບທີ່ມີຄວາມຫມາຍອັນແທ້ຈິງກັບຊາວຕິເບດ.ຄັນຊັ້ນ,ໂດຍຜ່ານຈາກການຕິດຕໍ່ພົວພັນແລະເຈລະຈາກັນ,ພະດາໄລລາມະຢາກໄດ້ຫຍັງຈາກສູນກາງ?
ບົດຄວາມຂຽນວ່າ,ໃນຫຼາຍປີມານີ້,ລັດຖະບານກາງໄດ້ຮັກສາການຕິດຕໍ່ພົວພັນກັບຝ່າຍດາໄລລາມະດ້ວຍຄວາມອົດທົນທີ່ສຸດຕະຫຼອດມາ,ເຖິງວ່າຫຼັງຈາກເຫດການຈະລາຈົນອັນຮ້າຍແຮງທີ່ເກີດຂຶ້ນຢູ່ນະຄອນລາຊາກໍຕາມ, ລັດຖະບານກາງຍັງສະແດງວ່ານະໂຍບາຍຕໍ່ພະດາໄລລາມະແມ່ນສະເຫມີຕົ້ນສະເຫມີປາຍ,ຈະແຈ້ງແລະບໍ່ມີການປ່ຽນແປງ.ແຕ່ວ່າ,ດ້ານຫນຶ່ງ,ຝ່າຍດາໄລລາມະໄດ້ເວົ້າຊ້ຳແລ້ວຊ້ຳອີກວ່າຢາກຕິດຕໍ່ພົວພັນແລະເຈລະຈາກັບສູນກາງ,ອີກດ້ານຫນຶ່ງພັດວາງແຜນແລະປຸກປັ່ນການເຄື່ອນໄຫວກໍ່ການຈະລາຈົນ,ກໍ່ຄວາມວຸ້ນວາຍໃນສັງຄົມ,ທຳລາຍພື້ນຖານຂອງການຕິດຕໍ່ພົວພັນແລະເຈລະຈາຢ່າງຫນັກຫນ່ວງ,ຖ້າເຂົາຫວັງຢາກຕິດຕໍ່ພົວພັນແລະເຈລະຈາຢ່າງແທ້ຈິງຕໍ່ໄປ,ກໍ່ຄວນຢຸດຕິການປຸກປັ່ນແລະວາງແຜນກໍ່ເຫດການຈະລາຈົນຢ່າງແທ້ຈິງ,ຢຸດຕິການເຄື່ອນໄຫວລົບກວນແລະທຳລາຍງານກິລາໂອລິມປິກປັກກິ່ງ, ຢຸດຕິການເຄື່ອນໄຫວທີ່ຢາກໃຫ້ເຂດຕິເບດແຍກອອກຈາກປະເທດຊາດ,ເພື່ອສ້າງເງື່ອນໄຂອັນພື້ນຖານທີ່ສຸດໃຫ້ແກ່ການຕິດຕໍ່ພົວພັນແລະເຈລະຈາ
|
|
