ຈີນຈະລົງເລິກສ້າງດິນແດນປະເທດໃຫ້ຂຽວງາມ
cri
Author: MO
ຕາມຂ່າວສານຊີນຮວາ: ວັນທີ 3 ເມສານີ້, ຢູ່ທີ່ປັກກິ່ງ, ທ່ານຮຸຍລຽງຢູ້ ຮອງນາຍົກລັດຖະມົນຕີຈີນກ່າວເນັ້ນວ່າ, ຕ້ອງລົງເລິກດຳເນີນວຽກງານປູກຕົ້ນໄມ້ສ້າງປ່າ, ອອກແຮງຊຸກຍູ້ການສ້າງອະລະຍະທຳຊີວະພາບ, ພະຍາຍາມສ້າງສະພາບໃໝ່ທີ່ໃຫ້ດິນແດນປະເທດຈີນຂຽວງາມ. ໃນກອງປະຊຸມຄົບຄະນະຂອງຄະນະກຳມະການປູກຕົ້ນໄມ້ສ້າງປ່າໃຫ້ຂຽວງາມທົ່ວປະເທດແລະກອງປະຊຸມຍ້ອງຍໍການປູກຕົ້ນໄມ້ສ້າງປ່າໃຫ້ຂຽວງາມ, ທ່ານຮຸນລຽງຢູ້ຊີ້ອອກວ່າ, ການເຮັດວຽກປູກຕົ້ນໄມ້ສ້າງປ່າໃຫ້ຂຽວງາມ, ສາມາດປັບປຸງສິ່ງແວດລ້ອມທຳມະຊາດ, ຍົກຄຸນນະພາບຂອງສິ່ງແວດລ້ອມຂອງມະນຸດ, ເພີ່ມຊັບພະຍາກອນຕົ້ນໄມ້ແລະຫຍ້າໃຫ້ຫຼາຍຂຶ້ນ, ແຫ່ງຕ່າງໆແລະພາກສ່ວນທີ່ກ່ຽວຂ້ອງຕ່າງໆຕ້ອງອອກແຮງເຮັດວຽກງານດັ່ງກ່າວ, ສືບຕໍ່ຊຸກຍູ້ການສ້າງສາໂຄງການຊີວະພາບ, ປັບປຸງແລະພັດທະນາໝາກຜົນແຫ່ງການປູກຕົ້ນໄມ້ສ້າງປ່າໃຫ້ຂຽວງາມເລື້ອຍໆ.
ທ່ານຮຸນລຽງຢູ້ກ່າວວ່າ, ຮອດປີ 2010, ພະຍາຍາມເຮັດໃຫ້ອັດຕາປ່າໄມ້ປົກຫຸ້ມທົ່ວປະເທດບັນລຸເຖິງ 20%, ອັດຕາຂຽວງາມໃນຕົວເມືອງບັນລຸເຖິງ 40%, ຮອດປີ 2020, ເຮັດໃຫ້ຈີນກາຍເປັນປະເທດທີ່ມີສິ່ງແວດລ້ອມທຳມະຊາດອັນດີງາມ.
|
|