|
|
 |
| (GMT+08:00)
2008-04-05 16:26:38
|
 |
|
ຕະຫຼາດທ່ອງທ່ຽວລາຊາຈະຟື້ນຟູຮອບດ້ານແຕ່ວັນທີ 1 ພຶດສະພາເປັນຕົ້ນໄປ
cri
Author: MO
ຕາມຂ່າວສານຈີນ: ຫວ່າງມໍ່ໆນີ້, ອົງການປົກຄອງນະຄອນລາຊາຕົກລົງວ່າ, ນັບແຕ່ວັນທີ 1 ພຶດສະພາເປັນຕົ້ນໄປ, ຕະຫຼາດທ່ອງທ່ຽວນະຄອນລາຊາຈະຟື້ນຟູການບໍລິການນັກທ່ອງທ່ຽວພາຍໃນແລະຕ່າງປະເທດຢ່າງຮອບດ້ານ.
ໜັງສືພິມເຢີນມີນຢື້ປ້າວສະບັບວັນທີ 5 ເມສາແຈ້ງຂ່າວວ່າ, ເມື່ອສະຖານະການຂອງນະຄອນລາຊາຄ່ອຍໆສະຫງົບລົງແລ້ວ, ນັກທ່ອງທ່ຽວແລະບໍລິສັດທ່ອງທ່ຽວພາຍໃນແລະຕ່າງປະເທດຈຳນວນໜຶ່ງໄດ້ໂທລະສັບມາເລື້ອຍໆ, ສອບຖາມເລື່ອງການທ່ຽວຕິເບດນຳບໍລິສັດທ່ອງທ່ຽວແລະໂຮງແຮມລາຊາ.
ການທ່ອງທ່ຽວໄດ້ກາຍເປັນອຸດສາຫະກຳເສົາຄ້ຳຂອງຕິເບດແລ້ວ. ປີ 2007, ລາຊາໄດ້ຮັບຕ້ອນນັກທ່ອງທ່ຽວພາຍໃນແລະຕ່າງປະເທດ 2 ລ້ານ 7 ແສນກວ່າເທື່ອຄົນ, ຈຸດໝາຍໃນປີນີ້ແມ່ນ 3 ລ້ານ 3 ແສນເທື່ອຄົນ, ເພີ່ມຂຶ້ນ 30%. ເມື່ອນະຄອນລາຊາເກີດເຫດການຈະລາຈົນ 14 ມີນາແລ້ວ, ເສດຖະກິດການທ່ອງທ່ຽວເຂດຕິເບດໄດ້ຖືກກະທົບຢ່າງໜັກໜ່ວງ, ຄະນະທ່ອງທ່ຽງພາຍໃນແລະຕ່າງປະເທດຈຳນວນໜຶ່ງໄດ້ຍົກເລີກການທ່ຽວຢ່າງຕໍ່ເນື່ອງ, ພະນັກງານຂະແໜງການທ່ອງທ່ຽວຢູ່ແຫ່ງນັ້ນກໍ່ຕົກຢູ່ໃນສະພາບບໍ່ມີວຽກເຮັດ.
|
|
|
