|
|
 |
| (GMT+08:00)
2008-04-06 16:44:12
|
 |
|
ຄວາມເສລີຂອງມວນຊົນຕິເບດໃນການເຊື່ອຖືສາສະໜາມີການຮັບປະກັນ ຢ່າງເຕັມສ່ວນ
cri
Author: MO
ຕາມຂ່າວຈາກໜັງສືພິມເຢີນມີນຢື້ປ້າວ: ພາຍຫຼັງເຫດການຈະລາຈົນ 14 ມີນາຂອງນະຄອນລາຊາໄດ້ສະຫງົບລົງແລ້ວ, ການເຄື່ອນໄຫວສາສະໜາໃນສະຖານທີ່ສາສະໜາຕ່າງໆຂອງເຂດປົກຄອງຕົນເອງຕິເບດໄດ້ຟື້ນຟູເປັນປົກກະຕິເທື່ອລະກ້າວ, ສິດເສລີຂອງມວນຊົນໃນການເຊື່ອຖືສາສະໜາໄດ້ມີການຮັບປະກັນຢ່າງເຕັມສ່ວນ.
ປັດຈຸບັນ, ວັດພຸດສາສະໜານິກາຍຕິເບດຕ່າງໆໃນເຂດຕິເບດມີ 1700 ກວ່າແຫ່ງ, ມີພິກຂຸແລະພິກຂຸນີ 4 ໝື່ນ 6 ພັນ 3 ຮ້ອຍຄົນ. ການເຄື່ອນໄຫວສາສະໜາຕ່າງໆໄດ້ດຳເນີນຢ່າງປົກກະຕິແລະໄດ້ຮັບຄວາມເຄົາລົບຈາກສັງຄົມ. ອົງການປົກຄອງທຸກຂັ້ນຂອງເຂດຕິເບດເອົາໃຈໃສ່ຊີວິດການເປັນຢູ່ຂອງພິກຂຸແລະພິກຂຸນີ, ທັງຈັດເຂົ້າໃນລະບົບປະກັນສັງຄົມ.
ນອກນີ້, ຂ່າວແຈ້ງວ່າ, ໃນ 20 ກວ່າປີທີ່ຜ່ານມາ, ນັບລວມແລ້ວ, ລັດຖະບານກາງແລະອົງການປົກຄອງຕົນເອງຕິເບດໄດ້ລົງທຶນ 700 ລ້ານກວ່າຢວນປະຕິສັງຂອນວັດວາອາຮາມ ຮ່ອງຮອຍວັດຖຸບູຮານແລະສະຖານທີ່ເຄື່ອນໄຫວສາສະໜາ 1400ກວ່າແຫ່ງແລະເປີດຕໍ່ພາຍນອກ. ປີນີ້, ລັດຖະບານກາງຍັງຈະເບີກງົບ 570 ລ້ານຢວນເພື່ອປະຕິສັງຂອນສິ່ງກໍ່ສ້າງວັດຖຸບູຮານແລະວັດວາອາຮາມ 22 ແຫ່ງຂອງເຂດຕິເບດ.
|
|
|
