|
ໜັງສືພິມເຢິນມິນຢື້ປ້າວພິມບົດຄວາມທີ່ມີຫົວຂໍ້ວ່າ"ປະເທດທີ່ມີການປົກຄອງຕາມກົດໝາຍແນ່ນອນບໍ່ອະນຸຍາດໃຫ້ມີການໃຊ້ຄວາມຮຸນແຮງ"
cri
Author: d
ຕາມຂ່າວໜັງສືພິມເຢິນມິນຢື້ປ້າວ: ວັນທີ7ເມສານີ້,ໜັງສືພິມເຢິນມິນຢື້ປ້າວ ໜັງສືພິມທີ່ມີອິດທິພົນຫຼາຍທີ່ສຸດຢູ່ຈີນໄດ້ພິມບົດຄວາມທີ່ມີຫົວຂໍ້ວ່າ"ປະເທດທີ່ມີການປົກຄອງຕາມກົດໝາຍແນ່ນອນບໍ່ອະນຸຍາດໃຫ້ມີການໃຊ້ຄວາມຮຸນແຮງ".
ບົດຄວາມຂຽນວ່າ,ໃນວັນທີ14ມີນາ,ຢູ່ນະຄອນລາຊາແລະເຂດອື່ນຂອງຕິເບດ,ພວກກໍ່ການຈະລາຈົນຈຳນວນໜ້ອຍໄດ້ໃຊ້ກຳລັງຮຸນແຮງຕໍ່ປະຊາຊົນນັ້ນເຮັດໃຫ້ຄົນຕື່ນຕົກໃຈ.ທຸກຄົນທີ່ມີຈິດໃຈມະນຸດສະທຳ,ລ້ວນແຕ່ຄຽດແຄ້ນທີ່ສຸດຕໍ່ຄວາມໂຫດຮ້າຍປ່າເຖື່ອນຂອງພວກເຂົາ,ຮູ້ສຶກໂສກເສົ້າສະລົດໃຈຕໍ່ປະຊາຊົນທີ່ບໍ່ມີຄວາມພິດຫຍັງປະສົບເຄາະຮ້າຍ,ແຕ່ກໍ່ຮູ້ສຶກດີໃຈຕໍ່ການປະຕິບັດຕາມກົດໝາຍຂອງອົງການປົກຄອງ.
ບົດຄວາມຂຽນວ່າ,ບໍ່ເອົາຫົວຊານຳກົດໝາຍ,ໃຊ້ຄວາມຮຸນແຮງເພື່ອບັນລຸກົນອຸບາຍແບ່ງແຍກ,ແມ່ນການກະທຳຂອງກຸ່ມດາໄລລາມະຕະຫຼອດມາ,ໃນການໃຊ້ຄວາມຮຸນແຮງແບບນີ້ຖືກຄົນທົ່ວໂລກກ່າວປະນາມ,ກຸ່ມດາໄລລາມະກໍ່ວາງແຜນເວົ້າບິດເບືອນການກະທຳຜິດແບ່ງແຍກເທື່ອນີ້ວ່າເປັນການສະແດງກຳລັງຢ່າງສັນຕິ,ບິດເບືອນເຫດການຈະລາຈົນເປັນການປະທະກັນລະຫວ່າງຊົນເຜົ່າ,ພະຍາຍາມບອກວ່າກົນອຸບາຍທີ່ໃຫ້ຕິເບດເປັນເອກະລາດນັ້ນເປັນເສັ້ນທາງສາຍກາງ,ປ່ຽນແປງຄວາມວິຕົກກັງວົນທາງການເມືອງເປັນຄວາມວິຕົກກັງວົນທາງວັດທະນະທຳ,ເພື່ອເຮັດໃຫ້ຄົນເຂົ້າໃຈສັບສົນ.
|
|
