|
|
 |
| (GMT+08:00)
2008-04-08 12:06:31
|
 |
|
ຂ່າວສານຊີນຮວາປະກາດບົດວິຈານທີ່ພາດຫົວເລື່ອງວ່າ ຄວາມເຫັນທີ່ລຳອຽງເຂົ້າແທນຄວາມຈິງບໍ່ໄດ້
cri
Author: cai
ຕາມຂ່າວສານຊີນຮວາ:ວັນທີ 7 ເມສານີ້,ຂ່າວສານຊີນຮວາໄດ້ປະກາດບົດວິຈານ,ກ່າວໂຕ້ຕອບຕໍ່ມະຕິທີ່ນາງເພໂລຊີ ປະທານສະພາຕ່ຳອາເມລິກາແລະສະມາຊິກລັດຖະສະພາຈຳນວນໜ້ອຍໄດ້ສະເໜີອອກໃນຫວ່າງມໍ່ໆນີ້ທີ່ຮຽກຮ້ອງໃຫ້ລັດຖະບານຈີນຢຸດຕິການປາບປາມຢູ່ຕິເບດ,ແລະດຳເນີນການເຈລະຈາທີ່ມີລັກສະນະທາດແທ້ກັບດາໄລລາມະ.
ບົດວິຈານຂຽນວ່າ,ເຫດການລາຊາແມ່ນການກະທຳແບບຫົວຮຸນແຮງຂອງລັດທິແບ່ງແຍກທີ່ກຸ່ມດາໄລລາມະວາງແຜນກໍ່ຂຶ້ນຢ່າງຕັ້ງໃຈ,ນີ້ແມ່ນຄວາມຈິງທີ່ໂຕ້ຖຽງບໍ່ໄດ້ທີ່ປະຊາຊົນທ້ອງຖິ່ນແລະນັກທ່ອງທ່ຽວຕ່າງປະເທດໄດ້ເຫັບກັບຕາແລ້ວ.ນາງເພໂລຊີແລະສະມາຊິກສະພາຈຳນວນໜຶ່ງບໍ່ພຽງແຕ່ບໍ່ໄດ້ກ່າວປະນາມພວກກໍ່ການຈະລາຈົນຢູ່ລາຊາ,ບໍ່ໄດ້ກ່າວປະນາມກຸ່ມດາໄລລາມະທີ່ຢູ່ເບື້ອງຫຼັງວາງແຜນແລະຈັດຕັ້ງເຫດການອາດຊະຍາກຳຮຸນແຮງເທື່ອນີ້ເທົ່ານັ້ນ,ແຕ່ຍັງໃຊ້ຄວາມກົດດັນຕໍ່ລັດຖະບານແລະປະຊາຊົນຈີນ,ຖ້າແມ່ນຜູ້ທີ່ຖືຄວາມເປັນທຳກໍ່ຈະຖາມວ່າ,ພວກເຂົາເຈົ້າຮູ້ອັນຖືກອັນຜິດບໍ່?
ບົດວິຈານຂຽນວ່າ,ນະໂຍບາຍຂອງລັດຖະບານຈີນທີ່ມີຕໍ່ດາໄລລາມະແມ່ນຈະແຈ້ງແລະສະເໝີຕົ້ນສະເໝີປາຍ.ຂໍແຕ່ດາໄລລາມະປະລະເຈດຈຳນົງທີ່ໃຫ້ຕິເບດເປັນເອກະລາດຢ່າງແທ້ຈິງ,ຢຸດຕິການເຄື່ອນໄຫວແບ່ງແຍກປະເທດຊາດ,ຮັບຮອງຕິເບດແລະໄຕ້ຫວັນແມ່ນດິນແດນສ່ວນໜຶ່ງຂອງຈີນທີ່ຕັດແຍກບໍ່ໄດ້ແລ້ວ,ລັດຖະບານຈີນກໍ່ຍິນດີສືບຕໍ່ເຈລະຈາກັບເພິ່ນ.ແຕ່ວ່າ,ລັດຖະບານຈີນຈະບໍ່ຍອມຈຳນົນຕໍ່ຄວາມກົດດັນພາຍນອກໃດໆຢ່າງເດັດຂາດ.ກົນອຸບາຍໃດໆທີ່ຢາກເຮັດໃຫ້ລັດຖະບານຈີນຜ່ອນສັ້ນຜັນຍາວຕໍ່ການກະທຳທີ່ແບ່ງແຍກປະເທດຊາດແລະທຳລາຍຄວາມສາມັກຄີຂອງຊາດນັ້ນຈະບໍ່ໄດ້ຜົນຫຍັງຢ່າງແນ່ນອນ.
|
|
|
