|
|
 |
| (GMT+08:00)
2008-04-08 18:33:54
|
 |
|
ໂຄສົກກະຊວງການຕ່າງປະເທດຈີນກ່າວຕີໂຕ້ຄຳເວົ້າຂອງດາໄລລາມະທີ່ວ່າຍຶດໝັ້ນຍ່າງຕາມ"ເສັ້ນທາງກາງ"
cri
Author: MO
ຕາມຂ່າວCRI：ວັນທີ 8 ເມສານີ້, ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງ, ນາງຈ່ຽງອີ ໂຄສົກກະຊວງການຕ່າງປະເທດຈີນໄດ້ກ່າວຕີໂຕ້ຄຳເວົ້າຂອງດາໄລລາມະທີ່ກ່າວໃນ"ບົດແຈ້ງໃຫ້ພີ່ນ້ອງຮ່ວມຊາດຕິເບດຊາບ"ໃນຫວ່າງມໍ່ໆນີ້ວ່າບໍ່ສະແຫວງຫາ"ຕິເບດເປັນເອກະລາດ", ຫາກແມ່ນຍຶດໝັ້ນຫຼັກໝັ້ນທີ່ວ່າ"ເສັ້ນທາງກາງ". ນາງຈ່ຽງອີກ່າວວ່າ, ດາໄລລາມະແມ່ນຜູ້ແທນໃຫຍ່ຂອງລະບອບຂ້າທາດກະສິກຳທີ່ໂຮມການເມືອງກັບສາສະໜາເຂົ້າກັນ. ລະບອບຂ້າທາດກະສິກຳນີ້ແມ່ນລະບອບຂ້າທາດທີ່ມືດມົນກວ່າໝູ່ໃນປະຫວັດສາດຂອງມວນມະນຸດ, ບໍ່ມີປະຊາທິປະໄຕ, ເສລີພາບ,ແລະສິດທິມະນຸດບໍ່ວ່າຮູບການໃດໆ, ມີແຕ່ອະພິສິດຂອງເຈົ້າຂ້າທາດເທົ່ານັ້ນ. "ເສັ້ນທາງກາງ"ທີ່ດາໄລລາມະສະແຫວງຫານັ້ນກໍ່ແມ່ນຢາກຟື້ນຟູສະຫວັນໃນເມື່ອກ່ອນຂອງເຂົາ, ນີ້ຈະເຮັດໃຫ້ຂ້າທາດກະສິກຳນັບເປັນລ້ານຄົນທີ່ໄດ້ຮັບການປົດປ່ອຍແລ້ວນັ້ນກັບຄືນສູ່ຄອກມືດມົນ.
ພ້ອມກັນນັ້ນ, ນາງຈ່ຽງອີໄດ້ກ່າວຕີໂຕ້ຄຳເວົ້າຂອງດາໄລລາມະທີ່ວ່າ ເຂົາບໍ່ມີສ່ວນກ່ຽວຂ້ອງຫຍັງກັບເຫດການຈະລາຈົນທີ່ລາຊາ. ນາງກ່າວເນັ້ນວ່າ, ເລື່ອງທີ່ດາໄລລາມະເຮັດໃນຫວ່າງມໍ່ໆນີ້ກໍ່ແມ່ນປຸກປັ່ນແລະວາງແຜນກໍ່ເຫດການຈະລາຈົນທີ່ລາຊາ.
|
|
|
