|
ຈີນຍິນດີຮ່ວມມືຢ່າງໃກ້ຊິດກັບເກຼັກເພື່ອຊອກຫາເລື່ອງຈິງຂອງເຫດການທີ່ນັກກິລາຍົກນ້ຳໜັກຂອງເກຼັກກິນຢາຫ້າມ
cri
Author: MO
ຕາມຂ່າວCRI： ວັນທີ 9 ເມສານີ້, ຢູ່ທີ່ປັກກິ່ງ, ນາງຈ່ຽງຢູ ໂຄສົກກະຊວງການຕ່າງປະເທດຈີນກ່າວວ່າ, ຈີນຍິນດີຮ່ວມມືຢ່າງໃກ້ຊິດກັບເກຼັກເພື່ອຊອກຫາເລື່ອງຈິງຂອງເຫດການທີ່ນັກກິລາຍົກນ້ຳໜັກຂອງເກຼັກກິນຢາຫ້າມ.
ຫວ່າງມໍ່ໆນີ້, ສື່ມວນຊົນເກຼັກແຈ້ງຂ່າວວ່າ, ໃນເວລາສະຫະພັນຍົກນ້ຳໜັກສາກົນກວດກາຢາກະຕຸກຢ່າງກະທັນຫັນນັ້ນ, ນັກກິລາຍົກນ້ຳໜັກຂອງເກຼັກຖືກກວດພົບເປັນເລກບວກ, ນີ້ອາດຈະກ່ຽວພັນກັບຢາທີ່ບໍລິສັດວິທະຍາສາດເຕັກນິກຊີວະຊາດຮຸ້ຍຢຸ້ຍຊຽງໄຮ້ສະໜອງໃຫ້.
ໃນເວລາຕອບຄຳຖາມຂອງນັກຂ່າວກ່ຽວກັບເລື່ອງນີ້, ນາງຈ່ຽງຢູກ່າວວ່າ, ລັດຖະບານຈີນຍຶດໝັ້ນຫຼັກໝັ້ນທີ່ຄັດຄ້ານຢາກະຕຸກປະສາດຕະຫຼອດມາ, ປະຕິບັດການຄຸ້ມຄອງຢ່າງເຂັ້ມງວດແລະຮັບຜິດຊອບຕໍ່ຢາກະຕຸກປະສາດ. ຝ່າຍຈີນໃຫ້ຄວາມສຳຄັນຫຼາຍຕໍ່ເຫດການດັ່ງກ່າວ, ຕາມການຊອກຮູ້ໃນເບື້ອງຕົ້ນ, ສະພາບການບໍ່ຖືກກັບການແຈ້ງຂ່າວຂອງສື່ມວນຊົນຕ່າງປະເທດ. ຝ່າຍຈີນໄດ້ສັ່ງໃຫ້ພາກສ່ວນທີ່ກ່ຽວຂ້ອງລົງເລິກສຳຫຼວດເຫດການນີ້ໃນທັນທີ. ຝ່າຍຈີນຍິນດີຮ່ວມມືກັບຝ່າຍເກັຼກຢ່າງໃກ້ຊິດເພື່ອສຳຫຼວດເລື່ອງຈິງຂອງເຫດການນີ້.
|
|
