|
ໜັງສືພິມເຢິນມິນຢື້ປ້າວພິມບົດວິຈານ"ໜ້າຕາແທ້ຈິງຢູ່ເບື້ອງຫຼັງໜ້າກາກໃຈດີ"
cri
ຕາມຂ່າວCRI, ວັນທີ10ເມສານີ້, ໜັງສືພິມເຢິນມິນຢື້ປ້າວຂອງຈີນໄດ້ພິມບົດວິຈານທີ່ພາດຫົວເລື່ອງວ່າ" ໜ້າຕາແທ້ຈິງຢູ່ເບື້ອງຫຼັງໜ້າກາກໃຈດີ".
ບົດວິຈານຂຽນວ່າ, ໃນສາຍຕາຄົນສາກົນຈຳນວນໜຶ່ງ, ດາໄລລາມະແມ່ນນັບຖືສັນຕິພາບແລະບໍ່ໃຊ້ຄວາມຮຸນແຮງ, ໂດຍສະເພາະແມ່ນພາຍຫຼັງກຸ່ມດາໄລລາມະໄດ້ປອມແປງແລະຕົບແຕ່ງຕົນເອງຢ່າງຕັ້ງໃຈໃນຫຼາຍສິບປີມານີ້; ໃນສາຍຕາຂອງມວນຊົນທີ່ເຊື່ອຖືສາສະໜາແຕ່ບໍ່ຮູ້ຄວາມຈິງ, ດາໄລລາມະມີໃຈດີໃຈບຸນ, ໂດຍສະເພາະແມ່ນຖານະທີ່ເປັນຜູ້ນຳສາສະໜາຂອງເຂົາຍິ່ງໄດ້ຮັບຄວາມນັບຖືໄດ້ງ່າຍ.
ບົດວິຈານຂຽນວ່າ, ກຸ່ມດາໄລລາມະວາງແຜນແລະປຸກປັ່ນກໍ່ເຫດການຈະລາຈົນຢູ່ນະຄອນລາຊານຄັ້ງນີ້, ເຮັດໃຫ້ປະຊາຊົນຜູ້ບໍ່ມີຄວາມຜິດຫຍັງເສຍຊີວິດແລະບາດເຈັບຫຼາຍປານນີ້, ເຜົາຜານແລະທຳລາຍຊັບສິນສາທາລະນະແລະຂອງປະຊາຊົນຫຼາຍປານນີ້, ມັນໄດ້ທຳລາຍລະບຽບຊີວິດການເປັນຢູ່ຂອງປະຊາຊົນແລະລະບຽບການສັງຄົມຢ່າງໜັກໜ່ວງ.
ບົດວິຈານຊີ້ອອກວ່າ, ບໍ່ວ່າແມ່ນວາງແຜນແລະປຸກປັ່ນກໍ່ເຫດການຈະລາຈົນ, ຫຼືກ່າວວ່າ"ຢາກຕັ້ງເຂດຕິເບດໃຫຍ່", "ປົກຄອງຕົນເອງໃນລະດັບສູງ" ແລະ"ເສັ້ນທາງກາງ", ຈຸດປະສົງແທ້ຈິງຂອງດາໄລລາມະມີແຕ່ອັນດຽວ, ນີ້ກໍຄືຢາກແບ່ງແຍກຕິເບດເປັນເອກະລາດ.
|
|
