|
ໂຄສົກກະຊວງການຕ່າງປະເທດຈີນເນັ້ນຫນັກວ່າທວນໄຟໂອລິມປິກຈະສືບຕໍ່ສົ່ງຕໍ່ບໍ່ວ່າຈະແມ່ນຟ້າລົມຝົນຕົກກໍ່ບໍ່ຢຸດເຊົາ
cri
ຕາມຂ່າວCRI:ວັນທີ 10 ເມສານີ້,ໃນກອງປະຊຸມຂ່າວທີ່ຈັດຂຶ້ນຢູ່ນະ ຄອນຫຼວງປັກກິ່ງ,ນາງຈ່ຽງຢູ ໂຄສົກກະຊວງການຕ່າງປະເທດຈີນໄດ້ກ່າວເນັ້ນວ່າ,ທວນໄຟງານກິລາໂອລິມປິກຈະສືບຕໍ່ສົ່ງຕໍ່ບໍ່ວ່າຈະແມ່ນຟ້າລົມຝົນຕົກກໍ່ບໍ່ຢຸດເຊົາ,ເພື່ອໂຄສະນາຈິດໃຈງານກິລາໂອລິມປິກແລະທັດສະ ນະຄະຕິສັນຕິພາບ ມິດຕະພາບແລະຄວາມກ້າວຫນ້າໃນທົ່ວໂລກ,ນີ້ແມ່ນອິດທິກຳລັງໃດໆກໍບໍ່ສາມາດກີດຂວາງບໍ່ໄດ້
ໃນເວລານາງຈ່ຽງຢູຕອບຄຳຖາມທີ່ກ່ຽວຂ້ອງຂອງນັກຂ່າວ,ນາງກ່າວວ່າ,ຕອນບ່າຍວັນທີ 9 ເມສາຕາມເວລາທ້ອງຖິ່ນຂອງອາເມລິກາ,ທວນໄຟ ງານກິລາໂອລິມປິກປັກກິ່ງໄດ້ສຳເລັດການສົ່ງຕໍ່ຢູ່ຊານຟຼານຊິສໂກຢ່າງປອດໄພ ສະດວກແລະສຳເລັດຜົນ,ໄດ້ສ້າງພາບຢ່າງຫຼວງຫຼາຍທີ່ເຮັດໃຫ້ຄົນກະຕຸ້ນໃຈ,ນີ້ໄດ້ສະແດງໃຫ້ເຫັນຢ່າງເຕັມສ່ວນເຖິງຄວາມປາຖະຫນາອັນຈິງໃຈ ແລະຄວາມອວຍພອນອັນຈົບງາມຂອງປະຊາຊົນທົ່ວໂລກທີ່ສະຫນັບສະ ຫນູນງານກິລາໂອລິມປິກແລະຄອງຄອຍງານກິລາໂອລິມປິກ.ປະຊາຊົນຈີນຈະພ້ອມກັບປະຊາຊົນປະເທດຕ່າງໆໃນໂລກທຳຄວາມພະຍາຍາມ,ຮັບປະ ກັນໃຫ້ຈັດງານມະຫະກຳກິລາໂລກ ອັນໃຫຍ່ໂຕມະໂຫລານທີ່ມີຈຸດພິເສດແລະລະດັບສູງ,ຈີນມີຄວາມຫມັ້ນໃຈຕໍ່ເລື່ອງນີ້
|
|
