|
|
 |
| (GMT+08:00)
2008-04-11 15:26:01
|
 |
|
ທ່ານຫູຈີນທ່າວແຍກອອກພົບປະກັບທ່ານມູຊາຣັຟ ທ່ານຮາມັດແລະທ່ານມາຊີໂມຟ
cri
Author: cai
ຕາມຂ່າວCRI:ວັນທີ 11 ເມສານີ້,ຢູ່ເມືອງຊ່ານຢາ ແຂວງໄຫຫຼຳຈີນ,ທ່ານຫູຈີນທ່າວ ປະທານປະເທດຈີນໄດ້ແຍກອອກພົບປະກັບທ່ານເພີເວັສ ມູຊາຣັຟ ປະທານາທິບໍດີປາກີສະຖານ ທ່ານຮາມັດ ບີນ ຈາຊິມ ບີນ ຈາເບີ ອານທານີ ນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດກາຕາແລະທ່ານມາຊີໂມຟ ນາຍົກລັດຖະມົນຕີກາຊັກສະຖານ.
ໃນການພົບປະ,ທ່ານມູຊາຣັຟກ່າວວ່າ,ຝ່າຍປາກີສະຖານເດັດດ່ຽວຄັດຄ້ານຄວາມເຈດຕະນາໃດໆທີ່ເຮັດໃຫ້ງານກິລາໂອລິມປິກປັກກິ່ງຫັນເປັນບັນຫາການເມືອງແລະການກະທຳທີ່ທຳລາຍງານກິລາໂອລິມປິກ.ປາກີສະຖານຍຶດໝັ້ນວ່າ,ຕິເບດແມ່ນດິນແດນສ່ວນໜຶ່ງຂອງຈີນທີ່ຕັດແຍກບໍ່ໄດ້,ປາກີສະຖານຍິນດີເພີ່ມທະວີການຮ່ວມມືກັບຈີນໃນການໂຈມຕີອິດທິກຳລັງລັດທິກໍ່ການຮ້າຍແລະອິດທິກຳລັງຫົວຮຸນແຮງ.
ທ່ານຮາມັດກ່າວວ່າ,ກາຕາເດັດດ່ຽວສະໜັບສະໜູນຈີນເປັນເຈົ້າພາບຈັດງານກິລາໂອລິມປິກ,ເຊື່ອວ່າ,ງານກິລາໂອລິມປິກປັກກິ່ງຈະໄດ້ຮັບຜົນສຳເລັດຢ່າງເຕັມເມັດເຕັມໜ່ວຍ.
ທ່ານມາຊີໂມຟກ່າວວ່າ,ກາຊັກສະຖານຍິນດີພະຍາຍາມຮ່ວມມືກັບຈີນເພື່ອຈັດງານກິລາໂອລິມປິກປັກກິ່ງໃຫ້ສຳເລັດຜົນ.ກາຊັກສະຖານປະຕິບັດນະໂຍບາຍຈີນດຽວ,ຈະສືບຕໍ່ເພີ່ມທະວີການຮ່ວມມືກັບຈີນໃນການໂຈມຕີລັດທິກໍ່ການຮ້າຍ ລັດທິແບ່ງແຍກແລະລັດທິຫົວຮຸນແຮງ.
|
|
|
