|
ນາຍົກສີງກະໂປກ່າວວ່າ, ຄວາມກ້າວໜ້າດ້ານວິທະຍາສາດເຕັກນິກເປັນປັດໃຈສຳຄັນທີ່ເສດຖະກິດຈີນຈະເລີນຂຶ້ນ
cri
Author: MO
ຕາມຂ່າວສານຊີນຮວາ: ວັນທີ 11 ເມສານີ້, ທ່ານລີຊຽນລົງ ນາຍົກລັດຖະມົນຕີສິງກະໂປກ່າວວ່າ, ລະດັບວິທະຍາສາດເຕັກນິກທີ່ນັບມື້ນັບສູງຂຶ້ນໄດ້ກາຍເປັນປັດໃຈສຳຄັນທີ່ເສດຖະກິດຈີນຈະເລີນຂຶ້ນ.
ທ່ານລີຊຽນລົງກ່າວວ່າ, ປັດຈຸບັນ, ຈີນບໍ່ພຽງແຕ່ໄດ້ເພີ່ມທະວີອຸດສາຫະກິດລະດັບຕ່ຳທໍ່ນັ້ນ, ໃນຂົງເຂດໄຮເຕັກກໍ່ໄດ້ກ້າວໜ້າຢ່າງວ່ອງໄວ. ຄົນທັງຫຼາຍໄດ້ເຫັນວ່າ, ບໍລິສັດໄຮເຕັກທີ່ໄດ້ເຕີບໂຕຢູ່ພາຍໃນຂອງຈີນເຊັ່ນບໍລິສັດຮວາເວີຍແລະບໍລິສັດເລໂນໂວເປັນຕົ້ນ ເມື່ອມີຖານະໜັກແໜ້ນໃນຕະຫຼາດພາຍໃນປະເທດຈີນແລ້ວ, ກໍ່ໄດ້ເລີ່ມພັດທະນາໄປສູ່ຕ່າງປະເທດ, ດຳເນີນການແຂ່ງຂັນກັບບໍລິສັດຕ່າງປະເທດພາຍໃນຂອບເຂດທົ່ວໂລກ. ຊັບພະຍາກອນມະນຸດຂອງຈີນກໍ່ອຸດົມສົມບູນຫຼາຍ, ປັດຈຸບັນ, ບໍລິສັດຂ້າມຊາດບໍ່ພຽງແຕ່ສ້າງໂຮງງານຜະລິດຢູ່ຈີນທໍ່ນັ້ນ, ພ້ອມກັນນັ້ນ ກໍ່ສ້າງສູນຄົ້ນຄວ້າພັດທະນາ, ເພື່ອນຳໃຊ້ວິສະວະກອນຈີນທີ່ມີຄວາມສາມາດສູງ.
|
|
