|
ເຂດຕິເບດວາງນະໂຍບາຍພິເສດເພື່ອຊ່ອຍເຫຼືອຜູ້ດຳເນີນທຸລະກິດທີ່ປະສົບຄວາມເສຍຫາຍຟື້ນຟູການຜະລິດແລະການທຸລະກິດ
cri
ຕາມຂ່າວສານຊີນຮວາ, ຫວ່າງມໍ່ໆນີ້, ເຂດປົກຄອງຕົນເອງຕິເບດໄດ້ວາງນະໂຍບາຍພິເສດຫຼາຍສະບັບ, ເພື່ອຊ່ອຍເຫຼືອຜູ້ດຳເນີນທຸລະກິດທີ່ປະສົບຄວາມເສຍຫາຍໃນເຫດການ" 14ມີນາ", ຊຸກຍູ້ການຟື້ນຟູການຜະລິດແລະທຸລະກິດຂອງເຂົາເຈົ້າ.
ນະໂຍບາຍພິເສດເຫຼົ່ານີ້ມີ: ພາຍໃນ2ປີແຕ່ວັນທີ1ມີນາປີ2008ເປັນຕົ້ນໄປ, ຍົກເວັ້ນອາກອນທຸລະກິດແລະລາຍໄດ້ຂອງຜູ້ດຳເນີນທຸລະກິດທີ່ປະສົບຄວາມເສຍຫາຍ; ຫຼຸດອາກອນລາຍໄດ້ເຄິ່ງໜຶ່ງຂອງຜູ້ຂັບລົດແທກຊີໃນເມືອງລາຊາ.
ສຳລັບເຈົ້າຂອງຮ້ານແລະຜູ້ຮັບຈ້າງທີ່ຖືກບາດເຈັບໃນເຫດການ" 14ມີນາ", ໃຫ້ຄ່າອຸດໜູນເຕັມໂຄຕາຕາມຄ່າປິ່ນປົວຕົວຈິງ.
ສຳລັບເຈົ້າຂອງຮ້ານແລະຜູ້ຮັບຈ້າງທີ່ເຊົາທຸລະກິດຍ້ອນເຫດການ, ພາຍໃນໄລຍະທີ່ບໍ່ໄດ້ຟື້ນຟູການທຸລະກິດແລະປະກອບອາຊີບຄືນໃໝ່ໃນສອງປີຕໍ່ໜ້ານີ້, ຈະໄດ້ຮັບເງິນອຸດໜູນຫວ່າງງານ. ຜູ້ບໍ່ມີຄ່າຄອງຊີບຈະໄດ້ຮັບຄ່າອຸດໜູນ.
ນອກນັ້ນ, ຫວ່າງມໍ່ໆນີ້, ພະແນກສຶກສາຂອງເຂດຕິເບດກໍ່ໄດ້ວາງມາດຕະການເພື່ອຊ່ອຍເຫຼືອນັກຮຽນທີ່ຄອບຄົວປະສົບຄວາມເສຍຫາຍໃນເຫດການ" 14ມີນາ".
|
|
