|
ຕາມຂ່າວສານຊິນຮວາ:ວັນທີ14ເມສານີ້,ຢູ່ທີ່ປັກກິ່ງ,ທ່ານອະລິສດາ ດາລີງ ຜູ່ຕາງໜ້າພິເສດຂອງນາຍົກລັດຖະມົນຕີ ລັດຖະມົນຕີກະຊວງການເງິນອັງກິດທີ່ມາປະເທດຈີນເຂົ້າຮ່ວມການສົນທະນາເສດຖະກິດການເງິນຈີນ-ອັງກິດເປັນເທື່ອທຳອິດນັ້ນກ່າວວ່າ,ການຂວ້ຳບາດງານກິລາໂອລິມປິກແມ່ນຄວາມຜິດພາດທັງໝົດ, ຝ່າຍອັງກິດຄັດຄ້ານໃຫ້ງານກິລາໂອລິມປິກຫັນເປັນການເມືອງ. ທ່ານກ່າວວ່າ, ທ່ານແບຼ ນາຍົກລັດຖະມົນຕີອັງກິດຈະເຂົ້າຮ່ວມພິທີປິດງານກິລາໂອລິມປິກປັກກິ່ງ, ຫວັງວ່າ, ຈີນຈົ່ງສາມາດຈັດງານກິລາໂອລິມປິກຢ່າງສຳເລັດຜົນ.
ທ່ານດາລີງແມ່ນໃຫ້ທັດສະນະດັ່ງກ່າວໃນເວລາພົບປະທ່ານຕ້າຍປີງກົວ ທີ່ປຶກສາແຫ່ງລັດຈີນ. ສອງຝ່າຍເປັນເອກະສັນເຫັນວ່າ,ຈະທຳຄວາມພະຍາຍາມຮ່ວມກັນ,ຊຸກຍູ້ການພົວພັນລະຫວ່າງສອງປະເທດໃຫ້ລົງເລິກພັດທະນາຕື່ມອີກ.
ທ່ານຕ້າຍປີງກົວໄດ້ແນະນຳຄວາມຈິງຂອງເຫດການຈະລາຈົນດ້ວຍຄວາມຮຸນແຮງ ທີ່ເກີດຂຶ້ນຢູ່ນະຄອນລາຊາແລະແຫ່ງອື່ນໆ ພ້ອມທາດແທ້ຂອງບັນຫາດັ່ງກ່າວ, ທ່ານໄດ້ບັນລະຍາຍ ຫຼັກໝັ້ນຫຼັກການຂອງລັດຖະບານຈີນ. ທ່ານດາລີງກ່າວວ່າ,ວຽກງານຕິເບດແມ່ນວຽກງານພາຍໃນຂອງຈີນ,ອັງກິດຄັດຄ້ານຄຳຮຽກຮ້ອງໃດໆທີ່ສະແຫວງຫາໃຫ້ຕິເບດເປັນເອກະລາດ.
|
