|
ຕາມຂ່າວສານຊິນຮວາ:ວັນທີ15ເມສານີ້,ຢູ່ທີ່ປັກກິ່ງ, ທ່ານວາງເຈຍຣຸ້ຍ ຫົວໜ້າຄະນະພົວພັນກັບຕ່າງປະເທດຂອງສູນກາງພັກກອມມູນິດຈີນໄດ້ພົບປະກັບທ່ານນະພະດົນ ປັດທະມະ ຮອງເລຂາທິການໃຫຍ່ພັກພະລັງປະຊາຊົນ ລັດຖະມົນຕີວ່າການກະຊວງການຕ່າງປະເທດໄທ.
ທ່ານວາງເຈຍຣຸ້ຍໄດ້ຕັ້ງໜ້າຕີລາຄາຕໍ່ການພົວພັນຈີນໄທ,ຍ້ອງຍໍລັດຖະບານໄທເອົາໃຈໃສ່ນຳການພັດທະນາການພົວພັນລະຫວ່າງພັກຈີນ ກັບ ໄທ. ທ່ານວາງເຈຍຣຸ້ຍກ່າວວ່າ, ພັກກອມມູນິດຈີນຈະສືບຕໍ່ສຸມກຳລັງຜ່ານຈາກການເພິ່ມທະວີການແລກປ່ຽນດ້ວຍໄມຕີຈິດລະຫວ່າງພັກການເມືອງຈີນ ກັບ ໄທ, ເຮັດໃຫ້ມິດຕະພາບແບບ"ຈີນແລະໄທບໍ່ແມ່ນໃຜອື່ນໄກ"ຝັງເລິກຢູ່ໃນຈິດໃຈປະຊາຊົນສອງປະເທດ.
ທ່ານນະພະດົນ ປັດທະມະກ່າວວ່າ,ລັດຖະບານໄທເອົາໃຈໃສ່ໃນລະດັບສູງນຳການເພິ່ມທະວີການແລກປ່ຽນ ແລະ ການຮ່ວມມືດ້ວຍໄມຕີຈິດໃນຂົງເຂດຕ່າງໆລະຫວ່າງໄທ ກັບ ຈີນ, ເຊິ່ງລວມທັງການໄປມາຫາສູ່ກັນລະຫວ່າງພັກການເມືອງ, ພັກພະລັງປະຊາຊົນຍິນດີຖອດຖອນບົດຮຽນປົກຄອງພັກ ແລະລັດຂອງພັກກອມມູນິດຈີນຢ່າງເລິກເຊິ່ງ, ເຮັດໃຫ້ການພົວພັນລະຫວ່າງພັກພະລັງປະຊາຊົນ ກັບ ພັກກອມມູນິດຈີນແໜ້ນແຟ້ນກວ່າເກົ່າ.
|
