|
|
(GMT+08:00)
2008-04-16 15:08:34
|
|
ທ່ານຫູຈີນທາວກ່າວວ່າຈີນຍິນດີຊຸກຍູ້ການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງຈີນກັບຍີ່ປຸ່ນຢ່າງຮອບດ້ານ
cri
ຕາມຂ່າວ cri:ວັນທີ 16 ເມສານີ້ ຢູ່ປັກກິ່ງ ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນກ່າວວ່າ,ຈີນຍິນດີພ້ອມກັບຍີ່ປຸ່ນເປີດກວ້າງການແລກປ່ຽນແລະຮ່ວມມືໃນຂົງເຂດຕ່າງໆຢ່າງບໍ່ຢຸດຢັ້ງ,ຊຸກຍູ້ການພົວພັນຍຸດທະສາດທີ່ຕ່າງຝ່າຍຕ່າງໄດ້ຮັບຜົນປະໂຫຍດລະຫວ່າງຈີນຍີ່ປຸ່ນຢ່າງຮອບດ້ານ,ທຳຄວາມພະຍາຍາມຢ່າງບໍ່ລົດລະເພື່ອບັນລຸເປົ້າຫມາຍທີ່ໃຫ້ສອງປະເທດຢູ່ຮ່ວມກັນໂດຍສັນຕິ ດຳເນີນການຮ່ວມມືກັນທີ່ຕ່າງໄດ້ຮັບຜົນແລະພັດທະນາພ້ອມກັນ.
ທ່ານຫູຈີນທາວແມ່ນໃຫ້ທັດສະນະດັ່ງກ່າວໃນເວລາພົບປະຄະນະຜູ່ແທນພັກກຳອຳນາດຍີ່ປຸ່ນທີ່ນຳໂດຍທ່ານອີບູຄີ ບຸນເມອີ ເລຂາທິການພັກເສລີປະຊາທິປະໄຕແລະທ່ານຄີຕາກາວາ ຄາຈູໂອ ເລຂາທິການພັກໂຄເມອີ.ທ່ານຫູຈີນທາວກ່າວວ່າ, ພັກແລະລັດຖະບານຈີນເອົາໃຈໃສ່ໃນລະດັບສູງຕໍ່ການພົວພັນລະຫວ່າງຈີນຍີ່ປຸ່ນ,ການຂະຫຍາຍການພົວພັນລະຫວ່າງສອງຝ່າຍທີ່ຫມັ້ນທ່ຽງຍາວນານ ມີໄມຕີຈິດຖານບ້ານໃກ້ເຮືອນຄຽງທີ່ດີຕໍ່ກັນແມ່ນທິດທາງທີ່ຫມັ້ນຫນຽວບໍ່ປ່ຽນແປງຂອງຈີນ.
ທ່ານອີບູຄີ ບຸນເມອີແລະ ທ່ານຄີຕາກາວາ ຄາຈູໂອກ່າວວ່າ, ພັກກຳອຳນາດແລະປະຊາຊົນທຸກຖ້ວນຫນ້າຂອງຍີ່ປຸ່ນຈະພະຍາຍາມຊຸກຍູ້ໃຫ້ການພົວພັນຍຸດທະສາດທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດໃຫ້ມີຄວາມຊີວິດຊີວາຫລາຍກວ່າເກົ່າ,ເພື່ອສ້າງຄວາມສຸກໃຫ້ປະຊາຊົນສອງປະເທດດີກວ່າເກົ່າ,ປົກປັກຮັກສາສະຖຽນລະພາບແລະການພັດທະນາຂອງອາຊີກໍ່ຄືຂອງໂລກໃຫ້ດີກວ່າເກົ່າ.
|
|
|