|
ກະຊວງການຕ່າງປະເທດຈີນຕໍ່ວ່າຕໍ່ຂານຢ່າງເຄັ່ງຂຶມຕໍ່ຜູ່ຮັບຜິດຊອບຂອງCNNປະຈຳປັກກິ່ງກ່ຽວກັບໂຄສົກCNNກ່າວຖ້ອຍຄວາມໂຈມຕີປະຊາຊົນຈີນ
cri
ຕາມຂ່າວສານຊິນຮວາ,ຕອນຄ່ຳວັນທີ16ເມສານີ້,ທ່ານລິວຈ້ຽນຊາວ ຫົວໜ້າກົມ ຂ່າວກະຊວງການຕ່າງປະເທດຈີນໄດ້ຮຽກຜູ່ຮັບຜິດຊອບຂອງບໍລິສັດCNNອາເມລິກາປະຈຳປັກກິ່ງເຂົ້າພົບ,ຕໍ່ວ່າຕໍ່ຂານຢ່າງເຄັ່ງຂຶມກ່ຽວກັບເລື່ອງທີ່ແຈັກແຄເຟີຕີໂຄສົກຂອງCNNກ່າວຖ້ອຍຄວາມໂຈມຕີປະຊາຊົນຈີນແບບຊົ່ວຮ້າຍທີ່ສຸດ.
ທ່ານລິວຈ້ຽນຊາວ ກ່າວວ່າ,ຫວ່າງມໍ່ໆນີ້,ແຄເຟີຕີໂຄສົກCNNກ່າວຖ້ອຍຄວມໂຈມຕີປະຊາຊົນຈີນແບບຊົ່ວຮ້າຍ,ເຊິ່ງເຮັດໃຫ້ປະຊາຊົນຈີນຄຽດແຄ້ນຢ່າງຮຸນແຮງ.ໂຄສົກກະຊວງການຕ່າງປະເທດຈີນໄດ້ກ່າວປະນາມຢ່າງຮຸນແຮງຕໍ່ຖ້ອຍຄວາມເຫຼົ່ານີ້ແລ້ວ,ແລະຮຽກຮ້ອງຢ່າງເຄັ່ງຂຶມໃຫ້CNNແລະແຄເຟີຕີຂໍໂທດຕໍ່ປະຊາຊົນຈີນ.
ທ່ານລິວຈ້ຽນຊາວຊີ້ອອກວ່າ,ໃນຖະແຫຼງການທີ່ປະກາດໃນວັນທີ15ເມສານີ້,CNNບໍ່ພຽງແຕ່ບໍ່ມີຄຳຂໍໂທດຫຍັງເລີຍກ່ຽວກັບແຄເຟີຕີຝ່າຝືນຈັນຍາບັນຂ່າວຢ່າງໜັກໜ່ວງ,ກ່າວໂຈມຕີປະຊາຊົນຈີນແບບຊົ່ວຮ້າຍເທົ່ານັ້ນ,ຫາກຍັງເລັງປາຍຫອກໃສ່ລັດຖະບານຈີນ,ສືບຕໍ່ຫຼອກລວງຫາງສຽງຂອງໂລກ.ກົນອຸບາຍທີ່ອັບປະຍົດແນວນີ້ຫຼອກລວງປະຊາຊົນຈີນບໍ່ໄດ້,ແລະກໍ່ຈະບໍ່ສຳເລັດຜົນໄດ້.
ທ່ານລິວຈ້ຽນຊາວກ່າວເນັ້ນວ່າ,ຜູ່ເຮັດວຽກການຂ່າວຄວນເຄົາລົບຈັນຍາບັນຂອງຕົນ,ເຂົາເຈົ້າບໍ່ມີສິດທີ່ໃສ່ຮ້າຍປ້າຍສີແລະດ່າຜູ່ອື່ນແລະລັດຖະບານປະເທດອື່ນ.ການກະທຳຂອງCNNໃນຫວ່າງມໍ່ໆນີ້ໄດ້ຝ່າຝືນຫຼັກການທີ່ເຂົາປ່າວວ່າຄວນລາຍງານຂ່າວທີ່ເປັນຈິງແລະເປັນກາງ,ແລະສູນເສຍຫຼັກມາດຕະຖານດ້ານຄຸນສົມບັດ.
|
|
