|
ເສດຖະກິດໃນໄຕມາດທີ1ຂອງປັກກິ່ງໂດຍລວມແລ້ວແມ່ນພັດທະນາໄປໃນທາງທີ່ດີ
cri
Author: d
ຕາມຂ່າວCRI: ວັນທີ17ເມສານີ້ ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ ນາງອີຊິ້ວສິນ ໂຄສົກຖະແຫຼງຂ່າວຂອງກົມສະຖິຕິນະຄອນປັກກິ່ງກ່າວວ່າ, ເສດຖະກິດ ໃນໄຕມາດທີ1ຂອງປັກກິ່ງເວົ້າໂດຍລວມແລ້ວແມ່ນພັດທະນາໄປທາງທີ່ດີຢູ່.
ຕາມການຄິດໄລ່ເບື້ອງຕົ້ນ,ໃນໄຕມາດທີ1 ຍອດມູນຄ່າຜະລິດທົ່ວນະຄອນປັກກິ່ງໄດ້ບັນລຸ 215 ຕື້ຢວນ,ເພີ່ມຂຶ້ນຫຼາຍກວ່າໄລຍະດຽວກັນຂອງປີກາຍ 11,3%, ລາຄາບໍລິໂພກຂອງປະຊາຊົນເພີ່ມຂຶ້ນ 6%.
ນາງອີຊິ້ວສິນກ່າວວ່າ,ໃນໄຕມາດທີ1 ການທຸລະກິດຂອງວິສາຫະກິດໃນນະ ຄອນປັກກິ່ງແມ່ນໝັ້ນທ່ຽງໂດຍພື້ນຖານ,ການລົງທຶນກໍ່ຟົດຟື້ນຫຼາຍ,ຕະຫຼາດການບໍລິໂພກຈະເລີນຮຸ່ງເຮືອງ,ລາຍໄດ້ການເງິນເພີ່ມຂຶ້ນຢ່າງຫຼວງຫຼາຍ,ມີຕຳແໜ່ງ ການຫຼາຍຂຶ້ນ. ສະພາບເສດຖະກິດແລະສັງຄົມຂອງນະຄອນປັກກິ່ງມີທ່າອ່ຽງພັດທະນາທີ່ໝັ້ນທ່ຽງ,ໄດ້ສ້າງສະພາບແວດລ້ອມພື້ນຖານອັນດີງາມໃຫ້ແກ່ການຈັດງານກິລາໂອລິມປິກຢ່າງສຳເລັດຜົນ.
|
|
