|
ສະພາບພະຍາດໄຂ້ຫວັດສັດປີກຂອງຈີນເປັນປົກກະຕິຢູ່
cri
Author: cai
ຕາມຂ່າວສານຊີນຮວາ:ປະຈຸບັນ,ເວົ້າລວມແລ້ວ,ສະພາບພະຍາດໄຂ້ຫວັດສັດປີກຂອງຈີນເປັນປົກກະຕິຢູ່,ໃນທົ່ວປະເທດບໍ່ມີນົກຕິດເຊື້ອພະຍາດ.
ວັນທີ 17 ເມສານີ້,ໃນເວລາທ່ານອີນເຊິງເຈຍ ລັດຖະມົນຕີຊ່ວຍວ່າການກະຊວງກະສິກຳຈີນໃຫ້ສຳພາດຕໍ່ນັກຂ່າວ,ທ່ານກ່າວວ່າ,ນັບແຕ່ຕົ້ນປີນີ້ມານີ້,ປະເທດແລະເຂດແຄວ້ນຈຳນວນໜຶ່ງໄດ້ເກີດພະຍາດໄຂ້ຫວັດສັດປີກຢ່າງຕໍ່ເນື່ອງ,ຈີນໄດ້ມີສັດປີກລ້ຽງຕິດເຊື້ອພະຍາດ 5 ເທື່ອ.ໃນລະດູໃບໄມ້ປົ່ງປີນີ້,ສະພາບພະຍາດໄຂ້ຫວັດສັດປີກເປັນປົກກະຕິໂດຍລວມ,ແຕ່ໜ້າທີ່ຕິດຕາມເຝົ້າລະວັງຍັງຕ້ອງເຮັດຢ່າງຈິງຈັງຢູ່.
ທ່ານອີນເຊິງເຈຍກ່າວວ່າ,ໂດຍປະເຊີນໜ້າກັບຜົນສະທ້ອນຈາກສະພາບພະຍາດທີ່ຢູ່ນອກດິນແດນຈີນ,ແລະໃນໄລຍະກ່ອນ,ແຂວງຈຳນວນໜຶ່ງຢູ່ພາກໃຕ້ຈີນໄດ້ປະສົບໄພພະຍຸຫິມະແລະນ້ຳກ້າມທີ່ບໍ່ຄ່ອຍມີໃນເມື່ອກ່ອນ,ປັດໄຈທີ່ບໍ່ແນ່ນອນໃນວຽກງານປ້ອງກັນແລະຄວບຄຸມພະຍາດໄຂ້ຫວັດສັດປີກໄດ້ເພີ່ມຂຶ້ນ,ພະຍາດອາດຈະແຜ່ລະບາດເຂົ້າມາຈາກຕ່າງປະເທດ,ສະນັ້ນ,ບາງເຂດຍັງອາດຈະເກີດພະຍາດໄຂ້ຫວັດສັດປີກໄດ້.
|
|
