|
ນັກທຸລະກິດຝຣັ່ງກ່າວວ່າ, ປະສົບການຂີ່ລົດຖີບທ່ຽວຢູ່ຕິເບດເປັນເວລາ 3 ເດືອນໄດ້ປ່ຽນແປງຄວາມເຫັນຂອງທ່ານທີ່ມີຕໍ່ເຂດຕິເບດ
cri
Author: mo
ຕາມຂ່າວສານຊີນຮວາ: ວັນທີ 18 ເມສານີ້, ຢູ່ນະຄອນຊຽງໄຮ້, ທ່ານເພົາ ດູບຼູ ນັກທຸລະກິດຝຣັ່ງໃຫ້ສຳພາດໂດຍສະເພາະຕໍ່ນັກຂ່າວ, ທ່ານກ່າວວ່າ, ປະສົບການຂີ່ລົດຖີບທ່ຽວຢູ່ເຂດຕິເບດເປັນເວລາ 3 ເດືອນໄດ້ປ່ຽນແປງຄວາມເຫັນຂອງທ່ານທີ່ມີຕໍ່ເຂດຕິເບດໃນແຕ່ກ່ອນນັ້ນທັງໝົດ, ທັງເຮັດໃຫ້ທ່ານເຂົ້າໃຈຕິເບດແລະມີສິດປະກອບຄວາມເຫັນຫຼາຍກວ່າສື່ມວນຊົນຝຣັ່ງທີ່ປັດຈຸບັນພວມກ່າວເຖິງຕິເບດຢ່າງຟົດຟຟື້ນພັດບໍ່ເຄີຍໄປຕິເບດຈັກເທື່ອ.
ທ່ານເພົາ ດູບຼູກ່າວວ່າ, ກ່ອນໄປຕິເບດ, ທ່ານກໍ່ເໝືອນດັ່ງຊາວຕາເວັນຕົກທັງຫຼາຍເຫັນວ່າຕິເບດແມ່ນຖືກຈີນກົດຂີ່. ແຕ່ເມື່ອໄປຮອດຕິເບດ, ພັດໄດ້ເຫັນລັດຖະບານຈີນລົງທຶນສ້າງໂຮງຮຽນ ໂຮງໝໍ ໂຮງໄຟຟ້າແລະສະໜາມບິນຢ່າງຫຼວງຫຼາຍ, ໂດຍສະເພາະແມ່ນທາງຫຼວງ. ນີ້ຢັ້ງຢືນໃຫ້ເຫັນວ່າ, ລັດຖະບານຈີນພວມຊ່ອຍຕິເບດພັດທະນາເສດຖະກິດແລະປັບປຸງຊີວິດການເປັນຢູ່ຂອງປະຊາຊົນຢ່າງໝົດຈິດໝົດໃຈ. ທ່ານເພົາ ດູບຼູກ່າວວ່າ, ເມື່ອທຽບກັບຝຣັ່ງ, ຊີວິດດ້ານວັດຖຸຂອງປະຊາຊົນຕິເບດຍັງບໍ່ຮັ່ງມີປານໃດ, ແຕ່ທ່ານໄດ້ຮູ້ສຶກຢ່າງຊັດເຈນວ່າ ເຂົາເຈົ້າໄດ້ຊົມໃຊ້ໝາກຜົນແຫ່ງຄວາມກ້າວໜ້າຂອງສັງຄົມ.
|
|
