|
|
 |
| (GMT+08:00)
2008-04-21 16:11:07
|
 |
|
ເວທີປາໄສສິດທິມະນຸດປັກກິ່ງໄຂຂຶ້ນເພື່ອລະລຶກ"ຖະແຫຼງການສິດທິມະນຸດໂລກ"ຄົບຮອບ 60 ປີ
cri
Author: mo
ຕາມຂ່າວສານຈີນ: ເວທີປາໄສສິດທິມະນຸດປັກກິ່ງໄດ້ໄຂຂຶ້ນໃນວັນທີ 21 ເມສານີ້, ເພື່ອລະລຶກ"ຖະແຫຼງການສິດທິມະນຸດໂລກ"ຄົບຮອບ 60 ປີ.
ໃນພິທີໄຂ, ທ່ານໂລຮາວສາຍ ປະທານສະມາຄົມສິດທິມະນຸດຂອງໂລກຊີ້ອອກວ່າ, ໃນ 30 ປີມານີ້, ຈີນໄດ້ມີຄວາມກ້າວໜ້າອັນໃຫຍ່ຫຼວງໃນດ້ານການສົ່ງເສີມສິດທິມະນຸດ; ປະຊາຊົນຈີນໄດ້ເຂົ້າຮ່ວມຊີວິດການເມືອງຢ່າງກວ້າງຂວາງ; ຈີນໄດ້ມີຄວາມກ້າວໜ້າອັນໃຫຍ່ຫຼວງໃນດ້ານຫຼຸດຜ່ອນຄວາມທຸກຍາກ; ການປົກປ້ອງສິດທິມະນຸດໃນຂົງເຂດຕຸລາການຂອງຈີນໄດ້ປັບປຸງໃຫ້ດີຂຶ້ນເລື້ອຍໆ; ຈີນປົກປ້ອງສິດທີ່ປະຊາຊົນເຜົ່າສ່ວນໜ້ອຍເຂົ້າຮ່ວມການຄຸ້ມຄອງວຽກງານຂອງລັດຢ່າງສະເໝີພາບແລະຄຸ້ມຄອງວຽກງານຂອງເຜົ່າຕົນເອງຢ່າງເປັນເຈົ້າການຕາມກົດໝາຍ; ທິດສະດີຂອງສິດທິມະນຸດຈີນກໍ່ໄດ້ມີຄວາມຄືບໜ້າທີ່ສຳຄັນ.
ທ່ານໂລຮາວສາຍກ່າວວ່າ, ໃນຂົງເຂດສິດທິມະນຸດ, ຈີນມີຈຸດປະສົງເພີ່ມທະວີການແລກປ່ຽນແລະຮ່ວມມືກັນຕື່ມອີກ, ເພີ່ມຄວາມເຂົ້າໃຈກັນ, ຫຼຸດຄວາມເຫັນຂັດແຍ່ງກັນໃຫ້ຫຼ້ອຍລົງ, ເພີ່ມຄວາມຮັບຮູ້ທີ່ເປັນເອກະສັນກັນ. ປະເທດຕ່າງໆຄວນຜ່ອນສັ້ນຜ່ອນຍາວໃຫ້ແກ່ກັນ, ຕ່າງເຄົາລົບກັນ, ປະຕິບັດຕໍ່ກັນຢ່າງສະເໝີພາບ, ຮໍ່າຮຽນຖອດຖອນບົດຮຽນນຳກັນ, ພ້ອມກັນຊຸກຍູ້ການພັດທະນາພາລະກິດສິດທິມະນຸດສາກົນ.
|
|
|
