|
|
 |
| (GMT+08:00)
2008-04-21 18:57:12
|
 |
|
ກົມພະລັງງານແຫ່ງຊາດຈີນກ່າວວ່າ ຄວນອອກແຮງພັດທະນາລົດຍົນທີ່ປະຢັດພະລັງງານ
cri
Author: cai
ຕາມຂ່າວສານຊີນຮວາ:ວັນທີ 21 ເມສານີ້,ໃນເວລາກ່າວຄຳປາໄສໃນ"ງານສຳມະນາຍຸດທະສາດເຕັກນິກລົດຍົນໃຊ້ນ້ຳມັນກາຊວນທີ່ກ້າວໜ້າສາກົນ 2008",ເຈົ້າໜ້າທີ່ທີ່ກ່ຽວຂ້ອງຂອງກົມພະລັງງານແຫ່ງຊາດຈີນກ່າວວ່າ,ຈີນຄວນອອກແຮງພັດທະນາລົດຍົນທີ່ປະຢັດພະລັງງານ.
ຈີນແມ່ນປະເທດຜະລິດແລະບໍລິໂພກພະລັງງານໃຫຍ່ທີ 2 ໃນໂລກ,ແຕ່ມີພະລັງງານສະເລ່ຍຕາມຫົວຄົນຕ່ຳກວ່າລະດັບຂອງໂລກຢ່າງຫຼວງຫຼາຍ.ປະຈຸບັນ,ຈຳນວນລົດຍົນສະເລ່ຍຕາມຫົວຄົນຂອງຈີນບໍ່ຮອດ 1 ສ່ວນ 5 ຂອງລະດັບຂອງໂລກ,ຄຽງຄູ່ກັບຜູ້ມີລົດຍົນໄດ້ເພີ່ມຂຶ້ນຢ່າງວ່ອງໄວ,ຄວາມຕ້ອງການຕໍ່ນ້ຳມັນເຊື້ອໄຟຈະນັບມື້ນັບຫຼາຍຂຶ້ນ.
ໃນເວລາທ່ານວາງຟູ້ຊ່າງ ຮອງຫົວໜ້າກົມນະໂຍບາຍອຸດສາຫະກຳຄະນະກຳມະການການພັດທະນາແລະການປະຕິຮູບແຫ່ງລັດຈີນກ່າວຄຳປາໄສ,ທ່ານກ່າວວ່າ,ປະຈຸບັນ,ການພັດທະນາຂອງອຸດສາຫະກຳລົດຍົນຈີນພວມປະເຊີນໜ້າກັບຄວາມກົດດັນດ້ານການຂາດເຂີນພະລັງງານແລະການອະນຸລັກສິ່ງແວດລ້ອມ.ທ່ານເຫັນວ່າ,ການສົ່ງເສີມໃຫ້ພັດທະນາລົດຍົນທີ່ກ້າວໜ້າແລະມີປະລິມານລະບາຍໜ້ອຍ,ແມ່ນມາດຕະການປະຢັດພະລັງງານແລະຫຼຸດການລະບາຍມົນລະພິດທີ່ມີປະສິດທິຜົນພົ້ນເດັ່ນກວ່າໝູ່ແລະໄວກວ່າໝູ່ໃນປະຈຸບັນນີ້.
|
|
|
