|
ຂ່າວສານຊິນຮວາວິຈານວ່າຊົມເຊີຍລັດຖະບານຝະຣັ່ງໃຫ້ຄຳອະທິບາຍແລະຄວາມຖາມຂ່າວຢູ່ຕໍ່ໜ້າເປັນເທື່ອທຳອິດກ່ຽວກັບຜູ່ສົ່ງຕໍ່ທວນໄຟງານກິລາໂອລິມປິກຂອງຈີນຖືກຍາດທວນໄຟ
cri
ຕາມຂ່າວສານຊິນຮວາ,ວັນທີ21ເມສານີ້,ທ່ານຄຼິສຕຽນ ໂປເຊເລັດ ປະທານສະພາສູງຝະຣັ່ງເດີນທາງໄປຮອດນະຄອນຊຽງໄຮ້ຂອງຈີນ,ເພື່ອຢື້ຢາມຖາມຂ່າວນາງຈິ່ນຈິ່ງ ຜູ່ສົ່ງຕໍ່ທວນໄຟງານກິລາໂອລິມປິກທີ່ຖືກຍາດທວນໄຟຢູ່ປາຣີ,ແລະມອບຈົດໝາຍຢື້ຢາມຖາມຂ່າວຂອງທ່ານນິໂກລັສ ຊາໂຄຊີ ປະທານາທິບໍດີຝະຣັ່ງໃຫ້ນາງຈິ່ນຈິ່ງ.
ກ່ຽວກັບເລື່ອງນີ້,ຂ່າວສານຊິນຮວາວິຈານວ່າ, ນັບແຕ່ວັນທີ7ເມສາທີ່ເກີດເຫດການຂຶ້ນຈົນມາຮອດປັດຈຸບັນ,ນາງຈິ່ນຈິ່ງຈຶ່ງໄດ້ຮັບຄຳອະທິບາຍແລະຄວາມຢື້ຢາມຖາມຂ່າວ ຈາກລັດຖະບານຝະຣັ່ງເປັນເທື່ອທຳອິດ.ເຖິງວ່າມັນຊ້າແດ່,ແຕ່ກໍ່ຍັງເປັນໜ້າຊົມເຊີຍຢູ່.
ບົດວິຈານຂອງຂ່າວສານຊິນຮວາຂຽນວ່າ, ພວກເຮົາຄວນມີຄວາມອົດທົນໃນເວລາປະເຊີນກັບຄວາມຂັດແຍ່ງແລະຄວາມເຂົ້າໃຈຜິດທີ່ເກີດຂຶ້ນໂດຍບັງເອີນໃນການໄປມາຫາສູ່ກັນລະຫວ່າງຊາດ.ພວກເຮົາກໍ່ຍິນດີຕ້ອນຮັບເຈົ້າໜ້າທີ່,ສື່ມວນຊົນແລະປະຊາຊົນຂອງປະເທດຕາເວັນຕົກຫຼາຍກວ່າເກົ່າມາຈີນເພື່ອຊອກຮູ້ດ້ວຍຕົນເອງວ່າ,ປະຊາຊົນຈີນມີຄວາມໝັ້ນໃຈອັນເດັດດ່ຽວຕໍ່ງານກິລາໂອລິມປິກ,ມີຄວາມປາຖະໜາຫາຊີວິດອັນດີງາມແລະມູນເຊື້ອທີ່ຮັກແຂກແພງຄົນ.
|
|
